RFL
Kigali

“Donald Trump si Perezida ukwiriye igihugu cyacu” Michelle Obama yibasiye Perezida w’Amerika bikomeye

Yanditswe na: David Mayira
Taliki:18/08/2020 16:52
0


Ni mu gihe abantu batandukanye usanga banenga Perezida wa Leta Zunze Ubumwe z’Amerika mu miyoborere no mu myitwarire akenshi igaruka ku bikorwa n’amagambo avuga, ubu Michelle Obama yibasiye bikomeye Perezida Donald Trump agaragaza ko atifuzwa n’abantu benshi muri Amerika.



Mu gihe abademokarate bari kwitegura gutangaza ku mugaragaro Joe Biden nk'uwo bazahatana mu matora. Mu butumwa bwuzuye imbamutima, Michelle Obama, umugore w'uwahoze ari perezida w'iki gihugu, Barack Obama yagize ati: "Donald Trump si perezida ukwiriye igihugu cyacu".

Michelle Obama Tells The Story Of 'Becoming' Herself — And The ...

Mu Nama nkuru  yahuje  abo mu ishyaka ry’Abademokarate ,Abatanyuzwe bo mu ishyaka ry'abarepubulikani rya Bwana Trump na bo bamaganye uyu Perezida w'Amerika  mu gihe  amatora ya perezida w'Amerika azaba ku wa kabiri, tariki ya 3 Ugushyingo uyu mwaka.

Bwana Trump, uri inyuma ya Bwana Biden mu mahirwe yo gutsinda amatora nkuko bigaragarazwa n'imibare y'amakusanyabitekerezo, na we yagize icyo avuga.Mbere yaho ku munsi wo ku wa mbere, mu ijambo ryo kwiyamamaza yavugiye mu mujyi wa Mankato muri leta ya Minnesota, Bwana Trump yaburiye ko Bwana Biden aramutse atsinze amatora, ibitangazamakuru byabura ababikurikira.

Madamu Obama yifashe amajwi, iryo jambo rye mbere yuko Bwana Biden mu minsi itandatu ishize atangaza senateri Kamala Harris nk'uwo baziyamamazanya wamubera visi perezida abaye atowe.

Mu kwibasira Bwana Trump mu ijambo rye ryasohotse  umunsi wo ku wa mbere muri iyo nama, Madamu Obama yagize ati: "Ntabwo ushobora kubeshya ko ushoboye muri aka kazi [ka perezida],Ubukungu bwacu bwarashwanyaguritse kubera virusi uyu perezida yamaze igihe kirekire cyane asuzugura".

Yakomeje agira ati: "Kuvuga ikintu cyoroshye cyumvikana ko ubuzima bw'abirabura bufite agaciro, biracyasuzugurwa n'ibiro bya mbere bikomeye mu gihugu [bya perezida]".

"Kubera ko buri gihe iyo duhanze amaso ibi biro bya White House tubyitezeho ubuyobozi, cyangwa kuduhora ibintu, cyangwa n'igisa no kwerekana ko ibintu biri ku murongo, icyo tubona ahubwo ni akajagari, ugucikamo ibice no kutita na busa ku kababaro k'abandi".

Yavuze ko imyaka ine ishize yakomereye ababyeyi nkawe kuyisobanurira abana b'Amerika.

Ati: "Babona abategetsi bacu bita abaturage bagenzi babo abanzi b'igihugu, mu gihe bakomeje gushishikariza ko abazungu ari bo bafite agaciro kandi ari bo mukiro".

Madamu Obama yongeyeho ati: "Donald Trump si perezida ukwiriye igihugu cyacu. Yabonye igihe kirenze igicyenewe cyo kugaragaza ko ashoboye akazi, ariko bigaragara ko ibintu byamurenze, Ikiriho ni uko adashoboye gukora icyo tumucyeneyeho. Uko ni ko ibintu bimeze".

Yavuze ko Bwana Biden ari "umugabo mwiza cyane", akomoza ku gihe uyu mukandida w'abademokarate yari akiri visi perezida ku butegetsi bw'umugabo we, Perezida Barack Obama.

  Madamu Obama yerekna ko nawe ashyigikiye Joe Biden mu matora ,yagize ati: "Tugomba gutora Joe Biden nkaho ari we makiriro y'ubuzima bwacu".

Src:BBC,CNN

  





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND