RFL
Kigali

FC Barcelona yirukanye umutoza Quique Setien nyuma yo kwandagazwa na Bayern Munich

Yanditswe na: SAFARI Garcon
Taliki:15/08/2020 16:57
0


Uwari umutoza mukuru w’ikipe ya FC Barcelona, Quique Sétien, yamaze guhambirizwa nyuma yo gusezererwa muri ¼ cya UEFA Champions League mu buryo bugayitse, aho yandagajwe na Bayern Münich yo mu Budage ku bitego 8-2 mu minota 90.



Mu ijoro ryo ku wa gatanu tariki 14 Kanama 2020, ikipe ya FC Barcelona yongeye kwandika amateka mabi yo gutsindwa ibitego umunani mu mukino umwe, dore ko byaherukaga mu 1946, ubwo yabitsindwaga na Sevilla mu gikombe cy’uumwami muri Espagne ‘Copa del Ley’.

Umunyamakuru Fabrizio Romano wa Sky Italia, niwe watangaje inkuru y’iyirukanwa rya Setien muri FC Barcelona nyuma n’ibindi binyamakuru byandika iyi nku.

Uyu munyamakuru yagize ati: "Barcelona yamaze gufata icyemezo cyo kwirukana Quique Setién, nyuma yo gutsindwa bigayitse na Bayern Munich. Ntabwo azaba ari umutoza mu mwaka w’imikino utaha ".

Gusa FC Barcelona ntabwo iremeza niba koko yamaze kwirukana uyu mutoza, ariko Perezida w’iyi kipe, Josep Maria Bartomeu aganira na Movi Star yavuze ko hari impinduka zikomeye zigiye kuba.

Quique Sétien yari umutoza wa FC Barcelona kuva muri Mutarama uyu mwaka, nyuma yo kuyigeramo asimbuye umutoza Ernesto Valverde wari umaze kwirukanwa.

Mu mezi hafi umunani umutoza Sétien yari amaze atoza FC Barcelona, nta gikomeye yayigejejeho kitari ukurangiza umwaka w’imikino nta gikombe na kimwe itwaye.

Mu batoza bahabwa amahirwe yo gusimbura Quique Setien muri FC Barcelona, harimo Umunya-Argentine, Mauricio Pochettino wahoze atoza Tottenham yo mu Bwongereza, ndetse na Xavi Hérnandez wakiniye FC Barcelona igihe kirekire akanayibera kapiteni.

Quique Setien wari umutoza wa FC Barcelona yirukanwe

Nyuma yo gutsindwa na Bayern Munich ibitego 8-2, Quique Setien yabaye nkunyagiwe n'imvura y'amahindu





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND