RFL
Kigali

Amerika: 1/3 cy’Abanyamerika ntibazafata urukingo rwa COVID-19 n'iyo rwaba ari Ubuntu

Yanditswe na: Uwera Ange
Taliki:9/08/2020 13:52
0

Ubushakashatsi bwakoze na Gallup Poll bwagaragaje ko Abanyamerika barenga 1/3 bavuga ko batazemera urukingo rwa COVID-19 kabone n'iyo rwaba ari Ubuntu cyangwa byemejwe na FDA.



Byagaragaye ko amashyaka afite uruhare runini mu kuzana impinduka, aho 81% by’aba Democrats bavuga ko bakwemera guhabwa uru rukingo, mu gihe abatageze kuri kimwe cya kabiri (1/2) b’aba Republicans akaba ari bo bavuga ko bazemera uru rukingo rwa COVID-19.

Doctor Anthony Fauci inzobere mu gihugu ku bijyanye n’indwara zandura, avuga ko, urukingo rwa mbere rwa COVID-19 rushobora kujya hanze mu mwaka wa 2021.

Iki cyorezo kigitangira Guverinoma y’iki gihugu yashoye agera kuri miliyaridi 10 z’amadolari mu kizwi nka”Operation Warp Speed”. Ibi ni ukugira ngo Abanyamerika bazabashe kubona inkingo miliyoni 300 za COVID-19 mu mwaka wa 2021.

Kuva icyo gihe, Guverinoma yahaye inkunga ibigo byinshi bitandukanye hagamijwe gushaka urukingo rw’iki cyorezo cya COVID-19, muri byo harimo: Novavax yahawe miliyaridi 1.6 y’idolari, Pfizer yahawe miliyaridi 1.95 y’idolari, Johnson&Johnson yahawe miliyaridi 1 y’idolari na AstraZenca yahawe miliyaridi 1,2 y’idolari.

Ku itariki 27 Nyakanga uyu mwaka ni bwo kimwe mu bigo Guverinoma ya Amerika yahaye inkunga cyatangaje ko kigeze ku cyiciro (phase) cya gatatu mu isuzuma ry’urukingo rwa COVID-19 bari bamaze kubona, aho iki kigo cyavugaga ko kizakira abakorerabushake bagera ku bihumbi 30,000 ariko bakuru kugira ngo bifashishwe muri iryo suzuma. Ibi ni mu gihe Pfizer nayo iherutse gutangaza ko yinjiye mu cyiciro cyayo cya gatatu cy’igeragezwa ry’urukingo babonye.

Ku wa gatanu,tariki 7 ubwo Dr Anthony yagiriraga ikiganiro muri Brown University (Kaminuza yigisha ibijyanye n’ubuzima )yihanangirije ko urukingo rwa COVID-19 atariwo muti ushyiraho iherezo ry’iki cyorezo.

Akomeza agira ati: ”Ntituzi ibizava muri iri suzumwa ry’izi nkingo. Ntawe uzi niba ikigereranyo kizangana na 50% cyangwa 60% , gusa nakwishimiye ko cyaba 75% kuzamura, ariko amahirwe y’uko biba 98% si menshi, niyo mpamvu mutagomba kwirengangiza gukomeza gushyira mu bikorwa ingamba zishyirwaho na Leta mu kurwanya iki cyorezo”.

Ku wa kane tariki 7,President Trump yatangarije ibiro ntaramakuru by’Abanyamerika ko we afite icyizere cy’uko urukingo rwa COVID-19 ruzaba rwabonetse mbere y’umunsi w’amatora ateganyijwe kuba tariki 3 Ugushyingo uyu mwaka.

Ku munsi w’Ejo ubwo yavaga gukina Golf i Bedminster, Trump yagize ati: ”Urukingo tugiye kurubona kandi twiteguye kurukwirakwiza. Igisirikare cyacu kiriteguye, twizeye kurangiza iki cyorezo kandi tukongera kubaka ubukungu bukomeye mu mateka y’isi”.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND