RFL
Kigali

Aubameyang yemeye kongera amasezerano muri Arsenal nyuma yo kwizezwa ibitangaza na Arteta

Yanditswe na: SAFARI Garcon
Taliki:7/08/2020 14:40
0

Rutahizamu ukomoka muri Gabon ukinira ikipe ya Arsenal akaba anayibereye kapiteni, Pierre Emerick Aubameyang, yemeye kongera amasezerano y’igihe kirekire muri iyi kipe afatiye runini, nyuma yo kwizezwa n’umutoza w’iyi kipe Mikel Arteta ko agiye kubaka ikipe nshya, ikomeye kandi izahatanira ibikombe mu mwaka utaha w’imikino.



Amasezerano Aubameyang yari afite muri Arsenal yari kuzarangira mu mwaka wa 2021, gusa ariko amakuru ava imbere muri Arsenal ndetse n’inshuti za hafi z’uyu mukinnyi ngo ni uko yemeye kongera amasezerano y’imyaka itatu, izamugeza muri 2024 akinira iyi kipe y’amateka mu mupira w’amaguru.

Aubameyang watsinze ibitego bibiri byahesheje igikombe cya FA Cup ikipe ya Arsenal, yakunze kubwira umutoza ndetse n’ubuyobozi bwa Arsenal ko iyi kipe nitagura abakinnyi bakomeye boshobora guhatanira ibikombe, nta kabuza nawe azayisohokamo akigendera.

Nyuma yo kwegukana igikombe cya FA Cup, umutoza Mikel Arteta yijeje ibitangaza kapiteni w’iyi kipe Pierre Emerick Aubameyang naramuka yemeye kongera amasezerano.

Arteta yabwiye Aubameyang ko agiye kubaka ikipe ikomeye kandi ihatanira ibikombe, kandi ko ariwe izaba ishingiyeho, akazahabwa buri kimwe cyose mu kibuga ndetse n’ubushobozi bwose.

Aubameyang w’imyaka 31 y’amavuko, yatsindiye Arsenal ibitego 32 mu mwaka w’imikino ushize muri shampiyona y’u Bwongereza, ndetse anafasha iyi kipe kwegukana igikombe cya FA Cup kubera ko ibitego bibiri byatsinzwe ku ruhande rwa Arsenal muri uyu mukino ari ibye.

Kuva yava muri Borussia Dortmund muri Mutarama 2018, Aubameyang amaze gukinira Arsenal imikino 85 muri Premier League yatsinze ibitego 54.

Kongera amasezerano kwa Aubameyang no gusinyisha abakinnyi bari kuvugwa muri iyi kipe barimo Willian, bisobanuye ko iyi kipe ifite intego zitandukanye mu mwaka utaha w’imikino kuko yifuza gusubira muri UEFA Champions League.

Aubameyang yafashije Arsenal kwegukana igikombe cya FA Cup uyu mwaka

Arteta yemereye Aubameyang ko agiye kubakla ikipe ikomeye





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND