RFL
Kigali

Arsenal FC yahagaritse abakozi bayo 55 kubera amikoro adahagije

Yanditswe na: SAFARI Garcon
Taliki:6/08/2020 14:17
0

Bitewe n’icyorezo cya Coronavirus cyakomye mu nkokora ubukungu bw’inzego zitandukanye ku Isi, nticyasize n’umupira w’amaguru washegeshwe cyane, ibi byatumye ikipe ya Arsenal ihagarika abakozi bayikoreraga 55 kugira ngo izigame macye muyo ifite, irengere ubuzima bw’ejo hazaza bw’ikipe.



Arsenal FC ibarizwa mu cyiciro cya mbere muri shampiyona y’u Bwongereza izwi nka ‘Premier League’ yafashe icyemezo cyo kugabanya abakozi nyuma yuko ubukungu bwayo buzahajwe n’icyorezo cya Coronavirus cyateye igihombo gikomeye kuri iyi kipe.

Kugabanya abakozi bizafasha iyi kipe kuzigama ayo yabahembaga ku kwezi bityo yifashishwe mu bindi bikorwa bitandukanye bijyanye n’iterambere ry’ikipe.

Mu bakozi basezerewe barimo abo mu nzego zo hejuru nk'abashinzwe gushakira ikipe abakinnyi 'Scouts' kugeza ku bashinzwe imirimo yo muri Stade irimo isuku, 'Protocole' n'ibindi,...

Nk'uko ibinyamakuru byinshi bikomeje kubitangaza, aba bakozi bahagaritswe bahembwaga asaga Miliyoni n'igice y'amayero ku kwezi (£1.5M), akaba agiye kujya akoreshwa mu bindi bikorwa byo kwita ku bakinnyi.

Arsenal iherutse kwegukana igikombe cya FA Cup itsinze Chelsea ku mukino wa nyuma, aho yahise inabona itike yo kuzakina imikino ya 'UEFA Europa League 2020-2021. Muri shampiyona, iyi kipe yasoje ku mwanya wa 8 aho yari ifite amanota 56.

Uretse gusezerera abakozi 55, Arsenal iranateganya gutandukana n’umubare utari mucye w’abakinnyi Arteta atifuza kugumana muri iyi kipe kugira ngo yubake ikipe ikomeye izahatanira igikombe cya shampiyona n’ibindi bikombe izitabira mu mwaka utaha w’imikino.

Ingaruka za COVID-19 zatumye Arsenal ihagarika abakozi bayo 55

Arsenal niyo yegukanye igikombe cya FA Cup 2019/20





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND