Kampani ya Virgin Galactic yatangaje ko igiye gukora indege igendera ku muvuduko wikubye gatatu uw’ijwi

Kuwa mbere w’icyi cyumweru kampani y’Abongereza Virgin Galactic ikorera muri leta zunze ubumwe za Amerika yatangaje ko ifatanyije na kampani ya Rolls-Royce bagiye gukora indege izaba ifite ubushobozi bwo gutwara abagenzi bagera kuri 19, ibitangaje cyane kuri iyi ndege nuko izaba igendera ku muvuduko wikubye gatatu uw’ijwi. Ubundi mu busanzwe umuvuduko w’ijwi ungana na metero magana atatu na mirongo ine n’enye mu isegonda (344m/s) ni ukuvuga Kilometeto igihumbi magana abiri mirongo itatu n’eshanu mu isaha (1,235 Km/h).

Virgin Galactic ivuga ko iyi ndege igiye kuba igisubizo ku ngendo zitandukanye zikorwa hirya no hino ku isi. Amafoto atandukanye agaragaza uko iyi ndege ayigaragaza n’amababa akoze mu buryo bwa mpande eshatu aho izajya igendera ku butumburuke bugera muri 60,000 feet ni ukuvuga (18,300m), ubu butumburuke bukaba inshuro ebyiri ubusanzwe by’indege zisanzwe zitwara abantu. Iyi ndege kandi izajya ihagurukira ku bibuga bisanzwe izindi ndege zihagurukiraho.

Iyi ndege izaba ifite ubushobozi bwo kugendera ku muvuduko wikubye gatatu uw'ijwi

Ku bufatanye na kampani ya Rolls-Royce ikora ibinyabiziga hazakorwa moteri ikoze mu ikoranabuhanga zigezweho aho iyi moteri azafasha iyi ndege kugira umuvuduko wo ku rwego rwo hejuru ugera kuri kilometero ibihumbi bitatu magana arindwi mu isaha(3,700 Km/h). Virgin Galactic yatangaje ko uyu mushinga mu mezi macye ashize, aho yavuze ko igiye gukorana bya hafi n’ikigo cy’Abanyamerika gishinzwe ibijyanye n’isanzure (NASA).

Virgin Galactic izafatanya na Rolls-Royce mu gukora moteri y'iyi ndege

Umuvuduko iyi ndege izaba igenderaho, bivugwa ko ishobora gukora urugendo ruva mu mugi wa London mu Bwongereza yerekeza Sydney muri Australia mu masaha atanu cyangwa London kugera New York muri leta zunze ubumwe za Amerika munsi y’amasaha abiri gusa.

Mu ikorwa ry’iyi ndege hazibandwa mu kugabanya urusaku rushobora gusohoka, benzene ikoreshwa mu ndege no kuringaniza ubushyuhe bushobora guterwa n’umuvuduko mwinshi iyi ndege izajyenderaho. Ikigo cy’Abanyamerika gishinzwe ibijyanye nibyi ndege cyatangaje ko cyiteguye gufatanya n’iyi kampani muri uyu mushinga.

Si iyi kampani gusa ifite uyu mushinga dore ko n’izindi kampani zitandukanye zikora indege zifite gahunda yo gukora indege z’ikiragano gishya zikoranye ikoranabuhanga rigezweho n’umuvuduko udasanzwe. Muri izi kampani zikomeye twavuga nka Lockheed-Martin na Boom Supersonic.

Src: Sky News