RFL
Kigali

SA: Coronavirus yafashe indi ntera mu gihe ikibazo cy’Abaganga ari agatereranzamba

Yanditswe na: David Mayira
Taliki:3/08/2020 10:10
0

Icyorezo cya Coronavirus kiri gukomeza kuzahaza Isi yose muri rusange. Mu gihugu cya Afurika y’Epfo haravugwa ubwandu buri kuzamuka ku muvuguko utangaje aho abarenga igice cya Miliyoni banduye mu gihe hari ikibazo cy’abaganga n’abaforomo bakiri bacye.



Abarenga igice cya Miliyoni ni bo bamaze kumenyekana ko banduye coronavirus muri Afrika y'Epfo, nk'uko Minisitiri w’Ubuzima w'icyo gihugu abivuga.

South Africa: Army lends support for COVID-19 battle

Zwelini Mkhize avuga ko ku wa Gatandatu byabaye ibidasanzwe aho abantu bashya 10,107 ari bo banduye, bigatuma imibare y’abanduye igera ku 511,000 bamaze kwandura, naho 8,366 bakaba bamaze guhitanwa na Covid-19.

Afrika y'Epfo ni cyo gihugu cya mbere muri Afrika yose gifite imibare iri hejuru, igice cy'abamaze kwandura ku mugabane wose bakaba ari abo muri icyo gihugu. Ku isi yose iki gihugu kiza ku mwanya wa gatanu mu bihugu bifite abarwayi benshi b'iyi ndwara inyuma ya Leta Zunze Ubumwe za Amerika, Burezili, Uburusiya hamwe n'Ubuhinde.

Abashinzwe iby’ubuzima muri Afrika y'Epfo bagavuga ko imibare y'abandura igenda yiyongera ku buryo buteye ubwoba, abenshi muri bo bakaba baba mu murwa mukuru wa Pretoria.

Icya gatatu cy'abamaze kwandura bose hamwe bari mu ntara ya Gauteng, intara yabaye iyinjiriro ry’iki cyorezo cya Coronavirus mu gihugu cyose. Leta ya Afrika y'Epfo yafashe ingamba za guma mu rugo mu kwezi kwa kane n'ukwa gatanu, ibi byatumye umurindi w'ikwirakwira ugabanuka.

Mu kwa Gatandatu, batangiye koroshya ingamba za Guma mu rugo abantu batangira gukora ibikorwa byabo ariko mu kwezi gushize kwa Karindwi bongeye gukaza ingamba bamwe basubira muri gahunda ya guma mu rugo banabuza ubucuruzi bw’inzoga.

Ramaphosa admits reopening schools a 'calculated risk'

Perezida Cyril Ramaphosa w'icyo gihugu mu kwezi gushize yatangaje ko ibitaro byazanye ibitanda 28,000 kugira ngo bishobore kwakira abandura Covid-19, ariko icyo gihugu kikaba kigihanganye n'ikibazo cy'ikena ry'abaganga n'abaforoma. Muri Nyakanga, ni bwo OMS/WHO yatangaje ko ibirimo biba muri Afrika y'Epfo byerekana ko bishobora kuba no mu bindi bihugu by’Afurika.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND