Airtel Rwanda
Kigali

Aubameyang yafashije Arsenal kwegukana FA Cup ya 14 inabona itike yo kuzakina Europa League

Yanditswe na: SAFARI Garcon
Taliki:1/08/2020 21:36
0

Ibitego bibiri bya rutahizamu w’umunya-Gabon Pierre Emerick Aubameang byafashije ikipe a Arsenal kwegukana igikombe cya FA Cup ku nshuro ya 14 nyuma yo gutsinda Chelsea ibitego 2-1, ihita inabona itike yo kuzakina irushanwa rya Europa League mu mwaka utaha.



Nyuma yo gusezerera amakipe yo mu mujyi w’i Manchester mu mikino ya 1/2, kuri uyu wa Gatandatu tariki 01 Kanama 2020, aya makipe y’I Londres yahuriye kuri Stade Wembley itarimo abafana mu mukino wari ukomeye cyane.

Arsenal y’umutoza Mikel Arteta yasabwaga gutsinda uyu mukino kugira ngo ikomeze kongera umubare w’ibikombe bya FA Cup, ndetse  inashaka amahirwe yo kuzasohokera u Bwongereza mu irushanwa ra Europa League mu mwaka utaha.

Umukino watangiye ikipe ya Chelsea iri hejuru kuko yanabonye amahirwe yo kugera imbere y’izamu inshuro nyinshi kurusha Arsenal.

Ku munota wa 5 gusa w’umukino umunyamerika Christian Pulsic yafunguye amazamu ku mupira wari uvuye kwa Olivier Giroud acenga ba myugariro ba Arsenal atsinda igitego.

Nyuma yo gutsindwa igitego, Arsenal yisubiyeho itangira gukina neza, ihindura uburyo bwo gukina itangira kunyuza imipira ku mpande aho kuyinyuza mu kibuga hagati hari hafunzwe bikomeye n’abakinnyi ba Chelsea.

Ku munota wa 13 Mateo Kovacic yabonye ikarita y’umuhondo nyuma yo gukorera ikosa Granit Xakha ukina mu kibuga hagati muri Arsenal.

Ku munota wa 25 Arsenal yabonye amahirwe yo gufungura izamu rya Chelsea ku gitego cyatsinzwe na Nicolas Pepe ariko umusifuzi Anthony Taylor wari uyoboye umukino avuga ko habayeho kurarira aracyanga ategeka ko umukino ukomeza.

Ku munota wa 26 myugariro Cezar Azpilcueta yakuruye urutugu rwa Aubameyang  mu rubuga rw’amahina, nyuma yo kwitabaza VAR umusifuzi yemeje penaliti ya Arsenal, Cezar ahita ahabwa ikarita y’umuhondo.

Penaliti yatewe neza na kapiteni Pierre Emerick Aubameyang ku munota wa 28, yishyura igitego Arsenal yari yatsinzwe mu minota itandatu ya mbere y’umukino.

Ku munota wa 44 Arsenal yabonye amahirwe yo gutsinda igitego cya kabiri ku mupira w’umuterekano (Coup Franc) ariko Lacazette awuteye ujya hanze y’izamu.

Iminota 45 y’igice cya mbere cy’umukino yarangiye amakipe yombi anganya igitego 1-1.

Arsenal yatangiye igice cya kabiri isatira inagerageza amahirwe yo gutsinda igitego ca kabiri cyagombaga kuyia intsinzi.

Nyuma yo gusiga abakinnyi ba Chelsea, Hector Berlin yatanze umupira kwa Nicolas Pepe, ntiyawutindana ahita awuhereza Aubameang wahise utsindira Arsenal igitego cya kabiri ku munota 68.

Ku munota wa 73 Mateo Kovacic yabonye ikarita y’umuhondo ya kabiri yamuviriyemo ikarita itukura ahita asohoka mu kibuga, Chelsea isigarana abakinnyi 10 mu kibuga.

Nyuma yuko Chelsea itakaje abakinnyi batandukanye barimo kapiteni Cesar, Pulsic na Kovacic Arsenal yacuritse ikibuga isatira izamu rya Chelsea bikomeye cyane.

Amakipe yombi yagerageje gusatirana mu minota ya nyuma y’umukino ariko iminota 90 y’umukino irangira Arsenal yegukanye intsinzi ku kinyuranyo cy’ibitego bibiri kuri kimwe.

Gutsinda uyu mukino byatumye Arsenal yegukana igikombe cya 14 cya FA Cup mu mateka iita inakatisha itike yo gukina irushanwa rya Europa League mu mwaka utaha.

Cyabaye igikombe cya mbere umutoza Mikel Arteta yegukanye nk’umutoza mukuru wa Arsenal, kuko yaherukaga kugitwara muri iyi kipe ari umukinnyi.


Aubameyang yatsinze ibitego byahesheje igkombe Arsenal



Arsenal yegukanye igikombe cya 14 cya FA Cup itsinze Chelsea 2-1


Arsenal izasohokera u Bwongereza muri Europa League umwaka utaha







TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND