Airtel Rwanda
Kigali

Umugore wa Perezida wa Brazil yanduye Covid-19; Amakuru agezweho kuri iki cyorezo

Yanditswe na: Muhawenimana Faridi
Taliki:31/07/2020 9:30
0

Imibare ya Kaminuza ya Johns Hopkins, yerekana ko abamaze kwandura coronavirus ku isi hose barenga miliyoni 17, muri bo 673,223 bamaze kwitaba Imana.



Botswana yasubijeho gahunda ya 'Guma mu rugo' mu mujyi

Mu mujyi mukuru wa Botswana Gaborone wasubijwe muri gahunda ya guma mu rugo mu gihe kingana n’ibyumweru bibiri, mu rwego rwo guhangana n’ubwiyongere bwa covid-19.

Mu mabwiriza mashya yashyizweho, agena ko mu mujyi ndetse n’ibice biwukikije, abakora imirimo y'ingenzi aribo bazajya bava mu ngo zabo, ndetse hemererwe gusohoka abagiye gushaka ibikoresho bikenerwa cyane mu ngo.

Ibindi bikorwa birimo za hoteli, guhurira hamwe kw’abantu benshi, resitora, amazu akorerwamo siporo (gyms), n’amashuri bizafungwa.

Kereng Masupu Uhagarariye itsinda rishinzwe covid-19, yavuze ko mu gihe kingana n’ icyumweru muri uyu mujyi wa Gaborone habonetse ubwiyongere bw’abandura, ibyo byatumye hasubizwaho ingamba zikakaye zo guhangana n’icyorezo.

Umugore wa Perezida wa Brazil yasanzwemo covid-19

Michelle Bolsonaro, umugore wa Perezida wa Brazil Jair Bolsonaro, yasanzwemo covid-19.  Ibi, byatangajwe na Guverinoma ejo ku wa kane, nyuma y’ iminsi itanu gusa umugabo we atangaje ko yakize iki cyorezo.

Ibiro bya Perezida byatangaje ko madamu wa Perezida ameze neza, ko ndetse hazakurizwa amabwiriza yose mu kwitabwaho.

Philippines yongeye uburyo bwo gukaza ingamba zo kwirinda

Perezida w’ iki gihugu Rodrigo Duterte, yongeye ubukana bw’ ingamba ziamije kwirinda icyorezo cya covid-19 mu mujyi wa Manila. Duterte yashyizeho ko ingendo z’abakuze n’abana, ndetse n’ ibikorwa bya resitora, n’ amazu akorerwamo siporo, bihagarikwa kugeza hagati mu kwezi kwa Kanama.

Perezida Duterte yasezeranyije abaturage be ko mu gihe habonetse urukingo rwa covid-19 mu mpere z’ uyu mwaka, ko ruzagera no mugihugu cye. Rukazatangwa habanje abakennye cyane, abari mu kiciro cyo hagati, hagakurikira abakora mu nzego z’ umutekano.

Abagera kuri miliyoni 3 bo muri Chile barashaka guhabwa amafaranga y’ ubwizigame bw’ izabukuru (pension)

Mu mjyi mukuru wa Chile, Santiago, harabarizwa umurongo muremure w’ abantu ku biro bishinzwe inkunga ihabwa abageze mu zabukuru batagikora. Ibi bibayeho nyuma y’ uko hashyizweho uburyo bwemerera abantu bagiye bizigamira ay’izabukuru, ko bashobora kuba bayafataho kugeza ku 10% y’ayo wizigamye.

Ushinzwe ibijyanye n’ ubwizigame bw’ izabukuru muri Chile, yatangaje ko abagera kuri 3,024,347 bamaze kusaba ko bahabwa kuri ayo mafaranga bizigamye. Bitekerezwa ko abantu bagera ku 9 mu 10 muri Chile bifuza kuba bahabwa ku mafaranga bizigamye, bateganya kuba bayokoresha bishyura ibicuruzwa by’ ibanze na serivisi.

Src: Aljazeera, CNN & Johns Hopkins University. 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND