RFL
Kigali

Breaking News: Premier League yatangaje igihe umwaka w’imikino 2020/21 uzatangirira

Yanditswe na: SAFARI Garcon
Taliki:24/07/2020 17:10
0

Abashinzwe gutegura shampiyona y’u Bwongereza ‘Premier League’, abaterankunga ndetse n’abanyamigabane muri iyi shampiyona ikunzwe kurusha izindi ku Isi, bamaze kwanzura ko umwaka utaha w’imikino ugomba gutangira tariki 12 Nzeri 2020 ukazasozwa tariki 23 Gicurasi 2021.



Umwaka w’imikino mu Bwongereza mu byiciro bitandukanye ugomba gutangira tariki 12 Nzeri 2020, aho Premier League izasozwa tariki 23 Gicurasi 2021, mu gihe Championship, League One ndetse na League Two umwaka w’imikino ho uzasozwa hagati ya tariki 8, 9 Gicurasi 2021.

Imikino ya kamarampaka ku makipe azaba ahatanira kuzamuka muri Premier League avuye muri Championship izakinwa mu cyumweru kizakurikiraho.

Uyu mwaka w’imikino wa 2019/20 wakomwe mu nkokora n’icyorezo cya Coronavirus cyatumye ibikorwa by’imikino bihagarara amezi atatu, uzasozwa ku cyumweru tariki 26 Nyakanga 2020, hakinwa umunsi wa 38 w’imikino muri Premier League, mu gihe Liverpool yamaze kwegukana igikombe.

Abashinzwe gutegura Premier League batangaje ko bakiri mu biganiro kugira ngo bakore ingengabihe y’andi marushanwa y’imbere mu gihugu. Batangaje kandi ko bagisuzuma niba amakipe akiri mu marushanwa yo ku mugabane w'i Burayi niba azatangirira Premier League kimwe n’andi.

Birashoboka ko yatangira umwaka w’imikino akerereweho kuko yo muri Kanama azaba agikina UEFA Champions League ndetse na UEFA Europa League.

Amakipe yo mu Bwongereza agisigaye mu irushanwa rya UEFA Champions League ni Manchester City na Chelsea, mu gihe Manchester United na Wolves zikiri muri Europa League.

Dore uko umunsi wa nyuma muri Premier League 2019/20 uzakinwa ku Cyumweru tariki 26 Nyakanga 2020:

Arsenal vs Watford - 4pm

Burnley vs Brighton - 4pm

Chelsea vs Wolves - 4pm

Crystal Palace vs Tottenham - 4pm

Everton vs Bournemouth - 4pm

Leicester vs Man Utd - 4pm

Man City vs Norwich - 4pm

Newcastle vs Liverpool - 4pm

Southampton vs Sheffield United - 4pm

West Ham vs Aston Villa - 4pm

Premier League mu mwaka w'imikino 2020/21 izatangira tariki 12 Nzeri 2020





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND