Airtel Rwanda
Kigali

Jeff Koinage wari mu kanama nkemurampaka ka East Africa’s Got Talent yanduye Covid-19

Yanditswe na: Janvier Iyamuremye
Taliki:21/07/2020 17:32
0

Umunyamakuru Jeff Koinage uri mu bari bagize Akanama Nkemurampaka k’irushanwa ry’abanyempano mu muziki East Africa’s Got Talent, yatangaje ko bamusanzemo icyorezo cya Covid-19.



Jeff yanditse ku rukuta rwa Twitter, kuri uyu wa 20 Nyakanga 2020, avuga ko bamusanzemo Coronavirus kandi ko abo mu muryango we bameze neza. Uyu mugabo wakoreye igitangazamakuru cya CNBC, yavuze ko nta bimenyetso ari kugaragaza ariko ko yahise yishyira mu kato.

Ati “Nashakaga kubamenyesha ko ibipimo byagaragaje ko nanduye Covid-19. Cyakora meza neza, nta kimenyetso kingaragaraho, n’umuryango wanjye umeze neza.”

Akomeza ati “Ubu nishyize mu kato. Ndashimira cyane ubuyobozi bwa Royal Media Services. Imana ibarinde ibahe n’umugisha". 

Bamwe mu banya-Kenya bazwi bamwoherereje ubutumwa bwo kumwihanganisha muri iki gihe. Bavuga ko bari kumwe nawe.

Ku wa 17 Nyakanga 2020, Stephen Letoo umunyamakuru wa Citizen Tv nawe yatangaje ko yanduye Coronavirus.

Icyo gihe yavugaga ko atagaragaza ibimenyetso kandi ko afite akomeje kurya nk’ibisanzwe.

Yavuze ko yamenye ko yanduye Coronavirus biturutse ku bizamini yafatiwe ku bitaro bya Nairobi Hospital.

Nawe, yasabye abanya-Kenya gukomeza kwirinda kuko batazi aho bashobara guhurira n’iki cyorezo gihangayikishije Isi muri iki gihe.

Ibitangazamakuru KBC na K24 TV mu minsi ishize byatangaje ko bamwe mu bakozi babyo banduye Coronavirus.

Jeff ni umunya-Kenya wavutse kuya 07 Mutarama 1961. Yamenyekanye cyane mu kiganiro ‘Jeff Koinange Live’ gitambuka kuri Citizen Tv kuva muri Gashyantare 2017.

Mu bihe bitandukanye yakoreye ibitangazamakuru bikomeye nka KTN, K24, Hot 96 n’ibindi.

Imibare yo ku wa 21 Nyakanga 2020 igaragaza ko Coronavirus imaze kugera mu bihugu 188, aho abarenga 606,000 bamaze kwandura iki cyorezo cyakomye mu nkokora ibikorwa bya muntu.

Muri Kenya honyine hari abanduye Coronavirus ni 13,000 nk’uko bitangazwa n’ubuyobozi bw’iki gihugu.

Umunyamakuru Jeff Koinage yatangaje ko yanduye Coronavirus kandi ko yishyize mu kato






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND