Airtel Rwanda
Kigali

Dj Marnaud yivuze ibigwi mu ndirimbo ya mbere kuri Album ari gutegura-VIDEO

Yanditswe na: Janvier Iyamuremye
Taliki:20/07/2020 8:22
0

Mugisha Gatera Arnaud [Dj Marnaud] ubifatanya no kuririmba yasohoye amashusho y’indirimbo nshya yise “Intro (Atchatchatcha)” yavuzemo byinshi mu bikorwa amaze gukora benshi batamukekeragaho.



Amashusho y’iyi ndirimbo iri mu njyana ya Rap yasohotse kuri uyu wa 20 Nyakanga 2020, aho afite iminota 03 n’amasegonda 04'.

Iyi ndirimbo itangira Dj Marnaud agaragaza ko azirikana “umuvandimwe” we Dj Miller witabye Imana.

Dj Marnaud avuga ko yasohoye indirimbo “Ribuyu” irafata kugeza no mu ngo, benshi bibaza uko abigenza abongeza “Reka turye show” abana batangira “kuvugishwa.”

Ngo ntibigarukira aha, kuko azi no kwisanga muri buri njyana binashimangirwa n’iyo Davydenko yamuhaye kuririmbiramo.   

Avuga ko yasohoye “Boku” abavugaga ntibongera. Kuri we avuga ko n’umwana utazi kuvuga akwiye kuvuga ko Dj ari Dj Marnaud.

Marnaud avuga ko abarizwa mu itsinda rya Dream Team kandi ko ku mafaranga bikoreramo.

Yavuze ko ari abami b’ijoro bahindura amanywa, umubare munini ukizirwa binyuze mu ndirimbo bacuranga

‘Intro’ n’iyo ndirimbo ya mbere iri kuri Album Dj Marnaud ari gutegura, ndetse yasabye Imana kurinda intambwe z’ibirenge bye nk’umuhanzi wigenga.

Yavuze ko akunda abantu bose bakomeje kumushyigikira mu rugendo rwe rw’umuziki

Mu buryo bw’amajwi iyi ndirimbo yatunganyijwe na Producer DavyDenko. Ni mu gihe amashusho yakozwe na Producer Serge Girishya.

Dj Marnaud yasohoye amashusho y'indirimbo nshya yise "Intro"

Marnaud uri mu Dj bagezweho muri iki gihe yivuze ibigwi ku ndirimbo ya mbere kuri Album

KANDA HANO UREBE AMASHUSHO Y'INDIRIMBO "INTRO" YA DJ MARNAUD

">






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND