Airtel Rwanda
Kigali

Pakistan: Abaminisitiri barimo Minisitiri w’ubuzima na Minisitiri w’ububanyi n’amahanga banduye Coronavirus

Yanditswe na: Liliane Kaliza
Taliki:6/07/2020 11:51
0

Abanduye Covid-19 muri Pakisitani barenze 2,31,000 nyuma y’uko hamenyekanye ubwandu bushya 3,344 mu masaha 24 ashize, muri abo banduye harimo n’abaminisitiri babiri.



Kuri uyu wa Mbere, Minisitiri w’ubuzima Zafar Mirza yatangaje ku rubuga rwa Twitter ko yishyize mu kato mu rugo we nyuma yo kugira "ibimenyetso byoroheje". Ati “ Nasanganywe coronavirus mpita ngirwa inama n’abaganga kuguma mu rugo nyuma yo kunsangana ibimenyetso byoroheje, ndabinginze mukomeze kunsengera kugira ngo nkire”

Mu cyumweru gishize, Minisitiri w’ububanyi n’amahanga Shah Mahmood Kureshi  na we yemeje ko yanduye iyi virusi. Abanduye Covid-19 muri Pakisitani biyongereye cyane kuva aho Guverinoma yorohereje ingamba zo  ifunga mu cyumweru cya kabiri cya Gicurasi nyuma yo guhagarika ibikorw byinshi amezi abiri.

Guverinoma ivuga ko abanduye bazakomeza kwandura bakagera  kuri Miliyoni zirenga mu mpera za Nyakanga, gusa Bwana Atta ur Rahman, umuyobozi w’itsinda rishinzwe imirimo ya minisitiri w’intebe Imran Khan ku bumenyi n’ikoranabuhanga, mu kwezi gushize yavuze ko abayobozi basuzugura umubare w’ubwandu ndetse n’umubare w'abahitanwa na virusi bakabifata nk’ibyoroshye.

Src: straitstimes.com

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND