Airtel Rwanda
Kigali

Coronavirus: Kubera gufata ingamba ziboneye u Rwanda rwashyizwe mu bihugu 14 byemerewe kujya i Burayi

Yanditswe na: Eric Misigaro
Taliki:30/06/2020 22:06
0

Umuryango w'Ubumwe bw'Uburayi (EU/UE) watangaje ibihugu 14 uvuga ko abaturage babyo bemerewe kuwusura kuko nta kibazo cyo gusakaza covid-19 ubacyekaho. Kwinjira i Burayi bizatangira tariki 01 z'ukwezi kwa 7, nubwo hakiri icyorezo cya Covid-19, Abanyarwanda bari mu bemerewe, Amerika, Brazil n'u Bushinwa ntibemerewe.



Nyuma y’Igihe kirekire ibijyanye n’ingendo bigiye bihagarara kubera icyorezo cya covid-19 kuri iyi inshuro ari ibihugu bigiye biri ku migabane itandukanye byatangiye gutangiza gahunda y’ingendo zitandukanyeUmuryango wa EU watangaje ibihugu 14 byemerewe kwinjira i Burayi. Kubera umuhate n’imbaraga u Rwanda ruri gushyira mu guhangana n’iki cyorezo narwo rwaje kuri uru rutonde.

Benshi ku Isi baje kugenda batungurwa nyuma y'uko uru rutonde rwasohotse ibihugu by’ibikomerezwa bitariho. Abayobozi bakuru ba EU bavuga ko biteguye kongera Ubushinwa kuri urwo rutonde mu gihe nabwo bukoze nk'ibyo ku baturage b'ibihugu bigize umuryango w'Ubumwe bw'Uburayi.

Abongereza na bo bemerewe kujya mu bihugu bigize EU kuko bagifatwa nk'abaturage ba EU kugeza inzira yo kuwusohokamo irangiye neza tariki 31/12/2020.

Ibihugu EU ivuga ko abaturage babyo ubu bemerewe kwinjira mu bihugu bigize uwo muryango ni; Algeria, Australia, Canada, Georgia, Ubuyapani, Montenegro, Maroc, New Zealand, u Rwanda, Serbia, Koreya y'Epfo, Thailand, Tunisia na Uruguay.

               

EU ivuga ko uru rutonde rushobora guhinduka igihe cyose, kandi ruzajya rusubirwamo nyuma y'ibyumweru bibiri.

Biteganyijwe ko uyu munsi ku wa kabiri EU itangaza ku mugaragaro ibi bihugu n'ibyo yashingiyeho yemerera abaturage b'ibihugu bimwe ikangira ab'ibindi. Mu ntangiriro y'uku kwezi, komisiyo y'umuryango w'Ubumwe bw'Uburayi yatangaje ko iri kwiga uko ifungura imipaka y'uyu muryango ku bihugu bimwe na bimwe bitawurimo.

Ikinyamakuru Politico cyari cyatangaje ko kimwe mu byo uyu muryango ushobora kuzashingiraho ufungurira imipaka ibindi bihugu ari umubare w'abanduye coronavirus kuri buri baturage 100,000.

Src:bbc






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND