Airtel Rwanda
Kigali

Covid-19: OMS yatangaje ko Isi igiye kuzahazwa n’icyorezo kubera ibihugu biri kujenjekera iyi virus

Yanditswe na: Eric Misigaro
Taliki:30/06/2020 8:01
0

“Nubwo ibihugu bimwe biri kugerageza guhangana n’icyorezo, gusa muri rusange ku Isi kiri gukwirakwira cyane”. Ibi byatangajwe na Dr Tedros Adhanom Ghebreyesus uyobora OMS mu nama yakozwe hifashishijwe ikoranabuhanga. Abarenga miliyoni 10 bamaze kwandura Covid-19 naho abarenga ibihumbi 500 yarabahitanye.



Coranavirus ni icyorezo gihangayikishije Isi ndetse ubukungu bumaze kudogera. Iibihugu byinshi biri gusubiza abaturage mu buzima busanzwe byirinda ko hakomeza kubaho idindira ry’ubukungu. 

Kuyu wa mbere Dr Tedros uyobora ishami ry’umuryango w'abibumbye ryita ku buzima, OMS yagize ati”Nubwo hari ibihugu biri kugerageza guhashya Covid-19, muri rusange iki cyorezo kiri gusakara ku Isi byoroshye cyane” Yunzemo agira ati”Icyo dushaka ni uko ibi birangira, twese turashaka kubaho gusa mu by'ukuri ibyo dushaka bihabanye n'ukuri guhari kuko biragoye ko ibi byarangira”. Ibi byatangajwe na Dr Tedros mu nama yabereye ku cyicaro gikuru cya OMS giherereye i Geneva hifashishijwe iyakure.

Magingo aya, abagera ku 10,345,658 barwaye covid-19, abagera ku 506,287 bamaze guhitanwa nayo naho 5,611,523 barayikize. Umuyobozi wa OMS, afite impungenge atewe n'ubwandu bwinshi bw'iyi ndwara akabihuza n’uburyo ibihugu byinshi biri kudohorera abaturage babyo bigatera impungenge uyu muryango y'uko mu minsi igiye kuza hagiye kuba ibibazo bikomeye bitewe n'iyi virus.

Ku rundi ruhande, Leta zimwe na zimwe nazo ntabwo zishimiye kurekura abaturage mu bibazo gusa nanone ahenshi ubukungu bwifashe nabi cyane bityo bagasanga baramutse bagumye muri gahunda ya 'Guma mu rugo' byabateza ikibazao batapfa kwikuramo.

Bwana Tedros yavuze ko guhangana na covid-19 byoroshye cyane cyane gukoresha ikoranabuhanga ndetse n’izindi nzira zisanzwe zikoreshwa ziganjemo kwirinda kujya ahantu hashobora guhuza abantu benshi ndetse no kwambara agapfukamunwa mu gihe ugiye ahantu uzi ko ushobora kugira uwo muhura.

Yanashimangiye ko byoroshye guhashya covid-19 niyo byaba nta rukingo ruhari gusa ngo birasaba ko abantu bumva amabwiriza ndetse bakanayakurikiza.

Ati “Ikibi kigiye kuza mu gihe ibihugu n’ubuyobozi bwabwo bukomeza kudashyira hamwe mu guhanga na covid-19. Ntabwo nakabaye ndi gutangaza ibi gusa dukurikije ibiri kuba ndetse n'uburyo turi kubaho dukwiye kugira ubwoba bw’ikibi. Iyi ni nayo mpamvu yagatumye dushyira hamwe nk’abatuye Isi kugiravngo tubashe guhangana n'iyi virus iri kuzambya byose”

Src:cnbc.com

  





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND