Airtel Rwanda
Kigali

Coronavirus: Abamaze kwandura bararenga Miliyoni 10 ku Isi, Brezil ikomeje kwibasirwa

Yanditswe na: Liliane Kaliza
Taliki:29/06/2020 11:44
0

Nk’uko kaminuza ya Johns Hopkins yo muri Amerika ibitangaza, abantu barenga 500.000 ku isi yose ubu bamaze kwicwa na coronavirus,mu gihe abayanduye bose hamwe barenga Miliyoni 10.



Kaminuza ya Johns Hopkins ivuga ko kuva virusi yagaragara mu Bushinwa mu mpera z'umwaka ushize, hamaze kubarurwa abantu barenga miliyoni 10 bayanduye. Kimwe cya kabiri cy’abanduye cyagaragaye muri Amerika no mu Burayi, ariko kuri ubu Covid-19 iracyiyongera cyane muri Amerika.

Iki cyorezo kimaze gukwirakwira mu bice byinshi bitandukanye by’isi ku buryo mu minsi itandatu ishize hamaze kwandura miliyoni imwe. Imibare yaturutse mu bihugu byinshi yerekanye ko abantu bo mu moko y’abirabura na Aziya bakunze kwibasirwa cyane na virusi kurusha abazungu.

Igihugu gifite umubare wa kabiri w’abantu banduye ni Berezile, hamwe na miliyoni 1.3, naho impfu zikaba zirenga 57.000. Nubwo ubwandu bushya buri kwiyongera , leta ya Rio de Janeiro yavuze ko igiye gufungura ibibuga by’umupira w’amaguru guhera ku ya 10 Nyakanga

 Src:Aljazeera

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND