Airtel Rwanda
Kigali

Ikipe ya Liverpool yanenze bikomeye ibyakozwe n’abafana bayo nyuma yo kwegukana igikombe cya shampiyona

Yanditswe na: Uwera Ange
Taliki:27/06/2020 18:25
0

Liverpool iranenga abafana bayo barenze ku mabwiriza yo kwirinda Covid-19 nyuma yo kwegukana shampiyona y’Abongereza (English Premier League), intsinzi baherukaga mu 1990.



Iyi kipe igendeye ku mabwiriza yatanzwe na Polisi ya Meryseyside yatangaje ko igaya bikomeye abafana bayo kuko batubahirije amabwiriza yashyizweho yo kwirinda icyorezo cya coronavirus ahubwo bagahitamo kwishimira intsinzi mu buryo bwabo babangamira amabwiriza yashyizweho.

Bakomeza bibutsa abafana ko iki cyorezo cya Covid-19 ntaho cyagiye ndetse kigikomeje ni muri urwo rwego basaba ubufatanye n’abafana babo bwo gukomeza kwirinda kugira ngo kurenga ku mabwiriza bitaba intandaro yo gusubiza inyuma  urwego rushimishije bari bamaze kugeraho rwo kwirinda iki cyorezo, kandi ko igihe iyi Covid-19 izaba ishize bazafatanyiriza hamwe kwishimira intsinzi.

Umuvugizi wa Polisi ya Merseyside we yagize ati:”turabizi ko abafana benshi ba Liverpool bifuza kwizihiza iyi ntsinzi ya Premier Ligue,ariko igihe cyabyo kizagera”.

Mayor Joe Anderson we avuga ko aza kubaza polisi impamvu ntacyakozwe bikiri mu maguru mashya.Akomeza avuga ababajwe cyane no kuba abantu badatekereza ku bandi,ku miryango yabo ,ku baganga ndetse n’abandi bakozi bakora ibishoboka byose ngo barebe ko iki cyorezo cya corona virus gishira.Yongeye kwibutsa abaturage ko Covid-19 ntaho yagiye.

Mayor yakomeje avuga ko n’ubwo ikwirakwira ry’iki cyoreza  muri aka gace ryasaga n’iryagabanutse mu byumweru bicye bishize atewe impungenge n’uko abafana bashobora kubashyira mu kaga na bo batisize.


Liverpool yanenze abafana bayo ku gikorwa kigayitse bakoze






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND