Airtel Rwanda
Kigali

Kuri uyu wa Mbere mu Rwanda habonetse abantu 59 banduye Coronavirus biganjemo abo muri Kirehe

Yanditswe na: Mupende Gedeon Ndayishimiye
Taliki:22/06/2020 22:10
0

Abantu bamaze kwandura icyorezo cya Coronavirus mu Rwanda bamaze kuba 787 barimo 59 bayanduye kuri uyu wa Mbere tariki 22 Kamena 2020. Abamaze gukira iyi ndwara ni abantu 370 barimo 11 bakize mu masaha 24 ashize naho abamaze guhitanwa nayo ni abantu babiri.



Itangazo rya Minisiteri y'Ubuzima mu Rwanda (MINISANTE) ryo kuri uyu wa Mbere, rivuga ko abantu 59 ari bo basanzwemo Coronavirus, abenshi muri bo bakaba babonetse mu karere ka Kirehe mu Ntara y'Iburasirazuba. Ni mu gihe mu mujyi wa Kigali habonetse abarwayi 7. MINISANTE iti "Abarwayi bashya bagaragaye i Kirehe (33), Rusizi (12), Kigali (7), Nyamasheke (4), Rubavu (3)".

Ku Isi hose abantu bamaze kwandura Covid-19 ni 9,130,902, abayikize ni 4,889,264 naho abamaze guhitanwa nayo bararenga ibihumbi 472 (472,249). Ibihugu byibasiwe cyane n'iki cyorezo, ku isonga hari Leta Zunze Ubumwe za Amerika imaze kugeza abantu 2,376,826 banduye iki cyorezo abarenga ibihumbi 122 bakaba bamaze gupfa. Ikindi gihugu gifite abantu benshi banduye iyi ndwara ni Brazil ifite 1,090,349 abamaze gupfa bakaba barenga ibihumbi 50.


Itangazo rya MINISANTE ryo kuri uyu wa Mbere






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND