Kuri iki Cyumweru Brezile yageze ku mwanya wa 2 ku isi nyuma ya Leta Zunze Ubumwe za Amerika, yemeje kumugaragaro ko kuri ubu imaze kugira abantu 50,000 bishwe na coronavirus, iki kikaba ari igihombo gikomeye ku gihugu.
Minisiteri y’Ubuzima yavuze ko muri iki gihe Burezili ifite abantu 1,085,038 bemejwe ko banduye iki cyorezo n’abantu
50,000 bapfuye, aho bavuye kuri 49,976 ku wa Gatandatu. Abahanga bavuga ko
imibare nyayo iri hejuru cyane kubera kubura ibizamini byinshi.
Perezida Bolsonaro, rimwe na rimwe bita "Tropical
Trump", yanenzwe cyane kubera gukemura iki kibazo mu buryo butari bwiza
cyane ko iki gihugu kitanafite Minisitiri w’Ubuzima uhoraho nyuma y’uko babiri bavuyeho kuva muri Mata bitewe no
kugirana amakimbirane na Perezida.
Bolsonaro yanze ko abantu bajya muri gahunda ya 'Guma mu rugo' avuga ko ari ukwica akazi bituma ibintu birushaho kuzamba. Yamamaje kandi umuti
wa Hydroxychloroquine avuga ko ukora nyamara atari byo.
Src: Reuters
TANGA IGITECYEREZO