Airtel Rwanda
Kigali

David McCutcheon ni we muntu ugiye gufungwa igihe kinini ku isi hafi imyaka 2750 ku byaha 220 aregwa

Yanditswe na: David Mayira
Taliki:19/06/2020 12:43
0

Ni kenshi cyane abantu bisanga bakora ibyaha ariko bakaza guhanwa n’amategeko, ubu amakuru avuga ko umugabo witwa David McCutcheon wo muri Leta ya Oregon , agiye guca agahigo ko gufungwa imyaka myinshi ku Isi aho biteganijwe ko azafungwa imyaka 2,750 ku byaha bigera kuri 220 aregwa.



Uyu mugabo w’imyaka 36 y’amavuko ashinjwa gufata ku ngufu umukobwa w’imyaka itandatu inshuro zirenga ijana, ibituma imyaka akurikiranwa yo gufungwa yaba imyaka 2,750 aramutse ahamwe n'ibyaha 220 aregwa. 


Ku wa Gatatu ushize, McCutcheon yatawe muri yombi i Cottage Grove, muri Leta ya Oregon, akurikiranweho ibyaha 70 byo gusambanya ku gahato, 40 byo gusambanya ku ngufu ndetse n’ibyaha 110 byo gufata nabi, icyaha kijyanye no guhohotera umukobwa guhera afite imyaka itandatu.

Ku wa Mbere ushize, uyu mugabo w’imyaka 36 yemeye ibyo aregwa kuri Polisi. Yabajijwe n'abashinzwe iperereza bo muri Eugine iminsi ibiri mbere yo gushyikirizwa abashakashatsi ba Cottage Grove nyuma ya raporo yo ku ya 26 Gicurasi.

David McCutcheon ufungiye muri Gereza ya Lane Tariki ya 16 Nyakanga 2020, azongera kwitaba urukiko rw’i Oregon, muri iyi Leta gufata ku ngufu bihanishwa igihano ntarengwa cy’imyaka 25 mu gihe wasabye imbabazi ukaba wahabwa igihano ntarengwa cy’imyaka irenga 8 ariko itageze ku 10, cyiyongera kugeza ku myaka 25 iyo uwahohotewe ari munsi y’imyaka 12.

Umucamanza ahamya ko David McCutcheon akora igihe cye cyo gufungwa mu kumuhana, guhanishwa igifungo cy'imyaka 1,750 ku byaha 70 byo gufata ku ngufu mu rwego rwa mbere, hiyongereyeho ibindi byaha 40 bihanishwa indi myaka 1000.

McCutcheon ashobora guhanishwa igihano kirenze icy'uwasambanyije ku gahato Billy Joe Godfrey, wakatiwe igifungo cya burundu bihwanye n’imyaka 1050 mu 2015. Icyo gihe, Godfrey yemeye icyaha cyo gusambanya abana babiri hagati ya 1995 na 1999, aba bana bari hagati y’imyaka umunani na 13.

Src:Dailymail.co.uk 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND