RFL
Kigali

Africa: Abanduye Covid-19 bamaze kugera ku 222.000, abapfuye bararenga 6.000

Yanditswe na: Liliane Kaliza
Taliki:15/06/2020 11:42
0

Ishami ry'Umuryango w'Abibumbye ryita ku Buzima (OMS) mu karere ka Afurika i Brazzaville, muri Congo, riravuga ko umubare w'abantu banduye coronavirus (COVID-19) muri Afurika ubu umaze kurenga 222.000.



Ikigo cy’ubuzima cya Loni cyatanze amakuru kuri konte yacyo ya twitter @WHOAFRO rigira riti: “Ku mugabane wa Afurika hari abantu barenga 222.000 bemejwe ko banduye Covid -19  mu bantu barenga 101.000 bakize ndetse  hapfa 6.000 ' OMS yavuze ko Afurika y'Epfo, Nijeriya na Alijeriya ari byo bihugu biri ku isonga mu kugira umubare munini w’abanduye iyi virus ku mugabane wa Afurika.

Uyu muryango ukomeza uvuga ko Afurika y'Epfo ifite abantu 61.927 banduye naho 1,354 bakaba barahitanywe n’iyi virus, ikurikirwa na Nijeriya ifite abantu 14.554 bemejwe ko banduye  na 387 bapfuye mu gihe Alijeriya ifite abantu 10,698 bemejwe ko banduye na 751 bapfuye

OMS yavuze ko Lesotho, Seychelles na Gambiya ari byo  bihugu bifite abantu bake banduye muri aka karere.Yavuze ko Lesotho yari ifite abantu bane gusa banduye kandi nta n’umwe wapfuye  , Seychelles yagize 11 bavuga ko banduye ndetse nta wapfuye, mu gihe Gambiya ifite abantu 28 banduye kandi nta  we uricwa nayo

Src: Guardian.ng

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND