Abantu bandura Covid-19 bakomeje kwiyongera mu Rwanda, umubare munini ukaba uturuka i Rusizi na Rusumo. Kuri iki Cyumweru tariki 14 Kamena 2020 Minisiteri y'Ubuzima mu Rwanda (MINISANTE) yatangaje ko habonetse abantu 41 banduye Covid-19, mu gihe nta muntu n'umwe wakize.
MINISANTE mu itangazo yanyujije kuri Twitter yavuze ko abarwayi bashya ba Covid-19 babonetse kuri iki Cyumweru, abenshi muri bo baturutse mu karere ka Rusizi. Yasabye abaturarwanda bose gukomeza kwitwararika bakirinda iki cyorezo. Iyi Minisiteri yagize iti "Abarwayi bashya bakomeje kugaragara mu karere ka Rusizi. Abaturarwanda bose barasabwa gukomeza kwitwararika".
Abarwayi bose hamwe ba Covid-19 bamaze kuboneka mu Rwanda ni 582 barimo 41 babonetse uyu munsi. Abamaze gukira ni 332, abakirwaye akaba ari 248. Abamaze guhitanwa n'iyi ndwara mu Rwanda ni abantu babiri gusa. Ibipimo byose hamwe bimaze gufatwa ni 91,151 ubariyemo ibipimo 3,495 byafashwe mu masaha 24 ashize.
Itangazo rya MINISANTE kuri Covid-19 ryo kuri iki Cyumweru
Eng
RSS 
TANGA IGITECYEREZO