Kuri uyu wa Gatatu, umubare w’abanduye coronavirus muri Amerika warenze Miliyoni 2 nk'uko bivugwa na kaminuza ya Johns Hopkins.
Iki cyorezo cyahitanye ubuzima bw'abantu barenga 112.900
muri Amerika, ubu abanduye bakaba bamaze kugera kuri 2.000.464 nk'uko imibare
iheruka gutangwa muri iyi kaminuza ikorera i Baltimore, muri Leta ya Maryland
ibigaragaza.
Amerika ikomeje kugira abantu bashya bangana 20.000 banduye Covid-19 buri munsi kandi ibi
bigenda byiyongera mu bice bitandukanye by’igihugu. Urugero, muri Texas na
Carolina y'Amajyaruguru, kuri ubu hari abarwayi ba Covid-19 benshi bari mu
bitaro kurusha uko byari bimeze mu kwezi gushize.
Ugereranyije, impuzandengo zakozwe n’abashakashatsi bo muri
kaminuza ya Massachusetts, biteganijwe ko umubare w’impfu za Covid-19 muri
Amerika uzagera ku 130.000 bitarenze ku ya 4 Nyakanga, umunsi w’ubwigenge.
Src: France 24
Eng
RSS 
TANGA IGITECYEREZO