Airtel Rwanda
Kigali

Coronavirus: Amakuru agezweho kuri iyi ndwara y’icyorezo

Yanditswe na: Muhawenimana Faridi
Taliki:11/06/2020 11:29
0

Covid-19 imaze amezi agera kuri atandatu mu Isi, imaze kwandurwa n’abantu babarirwa hejuru ya Miliyoni 7.4, mu gihe n’abarenga ibihumbi 400 bishwe nayo.



Leta Zunze Ubumwe za Amerika

Igihugu cy’igihangange ku isi gikomeje guhura n’ingorane zitandukanye. Covid-19 yari yarateye ubwoba bwinshi mu mitima y’Abanyamerika, ntabwo ikiri ikibazo! Ubu, imihanda mu mijyi itandukanye huzuye urujya n’uruza rw’abantu bigaragambya kubera iyicwa ry’umwirabura George Floyd.

Mu makuru atangwa na Kaminuza ya Johns Hopkins yemeza ko muri Amerika abanduye covid-19 bamaze kuzamuka bageze kuri miliyoni 2. Ni mu gihe muri abo abarenga ibihumbi 114 bamaze guhitanwa n’iki cyorezo.

Italy

Mu bihe iki gihugu cyari kibasiwe na covid-19 ku buryo bukomeye, abaganga bari bafashwe nk’ intwari z’Igihugu. Aba baganga n’ubwo ngo biswe intwari, ntabwo bashimishwa n’uburyo bahembwa. Batangaza ko aribo bantu bahembwa amafaranga makeya mu Burayi.

Mu gace kitwa Malian ubu hari kubera imyigaragambyo yateguwe nabo, mu rwego rwo kugira ngo bongererwe umushahara, ndetse hanongerwe abakozi.  Kugeza ubu, bigaragazwa ko byibuza 40 mu baganga bamaze guhitanwa n’iki cyorezo muri iki gihugu.

U Bushinwa

Igihugu cyabonetsemo iyi ndwara y’icyorezo, ubu kirimo kugaragaramo imibare micye cyane y’abanduye covid-19.

Muri raporo yo kuri uyu wakane igaragaza ko abantu bashya bagaragayeho covid-19 ari 11 ndetse baturutse hanze. Ni muri iyi raporo kandi, byemezwa ko nta bwandu bugaragara imbere mu gihugu.

Inzego z’ubuyobozi mu Bushinwa zemeza ko abantu bakiri kuvurwa covid-19 kugeza ubu ari 62, hakaba n’abandi 130 barigukurikiranwa harebwa niba bafite ibimenyetso ngo bahite bashyirwa mu kato.

Iki gihugu kimaze kwemeza imfu z’abantu 4, 634, ndetse n’abanduye bagera ku 83,057. Imibare y'abishwe na covid-19 ntabwo irahinduka mu gihe cy’ibyumweru.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND