Airtel Rwanda
Kigali

Perezida Pierre Nkurunziza yitabye Imana azize indwara y'umutima

Yanditswe na: Mupende Gedeon Ndayishimiye
Taliki:9/06/2020 16:55
0

Perezida w'u Burundi Pierre Nkurunziza yitabye Imana ku myaka 55 azize indwara y'umutima nk'uko byatangajwe na Guverinoma y'u Burundi ku gicamunsi cy'uyu wa Kabiri mu butumwa yanyujije kuri Twitter.



Ku gicamunsi cyo kuri uyu wa Kabiri tariki 9 Kamena 2020 ni bwo Guverinoma y'u Burundi yatangaje urupfu rwa Perezida Pierre Nkurunziza wari urimo usoza manda ye ndetse yaramaze no kubona umusimbura ari we Gen. Ndayishimiye Evariste uherutse gutsinda amatora. Nkurunziza wari umaze imyaka 15 ari Perezida w'u Burundi yaguye mu bitaro bya Karuzi bizwi nka Hopital du Cinquantenaire. Leta y'u Burundi yahenguwe n'urupfu rwa Nkurunziza, yihanganisha umuryango we ndetse n'abaturage bose b'iki gihugu.


Pierre Nkurunziza yajyanywe mu bitaro ku Cyumweru tariki 7 Kamena 2020 aho yari arembye, gusa kuwa Gatandatu yari yiriwe ari muzima aho yanitabiriye imikino ya nyuma muri Volleyball y'igikombe cyitiriwe Perezida, yabereye i Ngozi. Nyuma yo gufatwa n'uburwayi bwamufashe mu ijoro ryo kuwa 6 rishyira ku Cyumweru, kuri ubu yitabye Imana yishwe n'indwara y'umutima. Kurwara no kwitaba Imana kwa Pierre Nkurunziza bije bikurikira uburwayi bw'umugore we Denise Nkurunziza warembejwe na Coronavirus akajyanwa mu bitaro byo muri Kenya tariki 28 Gicurasi 2020.


Ubutumwa bw'akababaro bwatangajwe na Guverinoma y'u Burundi






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND