RFL
Kigali

COVID-19: Amakuru agezweho kuri iki cyorezo mu Isi hose

Yanditswe na: Muhawenimana Faridi
Taliki:9/06/2020 10:21
0


Abanduye iyi ndwara y’ icyorezo bamaze kugera kuri miliyoni zirindwi. N’ ubwo ubandu bw’ iyi ndwara bwiyongera umunsi ku wundi, ntibibuza guverinoma na Leta zitandukanye gukomeza koroshya ingamba zikakaye zo guhashya covid-19, icyemezo OMS ikomeza gukemanaga ko cyazateza ibibazo mu minsi iza.



Amazi aragera kuri atandatu Isi yose irimo ishegeshwa n’ indwara y’ icyorezo (coronavirus). Muri icyogihe cyonyine, abanduye bari kubarirwa hejuru ya miliyoni 7, mugihe abapfuye bazira iyi ndwara bari ku bihumbi 400. Miliyoni 3.5 zimaze gukira.

Tanzania

Igihugu kibarizwa mu Burasirazuba bw’ Afurika, cyatangaje ko nta cyorezo cya covis-19 kikihabarizwa.

Amakuru dukesha Aljazeera, agaragaza ko Perezida John Magufuli yatangaje ko Igihugu cye nta cyorezo kikirimo.

Perezida Magufuli akaba yatangaje ko Tanzania yatsinze indwara y’ icyorezo babifashijwemo n’ amasengesho ndetse no kwiyiziriza abaturage bo muri icyo gihugu bakoze.

New Zealand

Guhoberana, ibirori, ndetse no guhaha byagarutse muri gahunda z’ abatuye iki gihugu. Ibi, bibaye nyuma y’ uko mu ijoro ryakeye ingamba zikakaye zariho zo guhashya covid-19 zakuweho.

Ingamba zose zo kwirinda covid-19 zakuweho nyuma y’ uko iki gihugu kimaze ibyumweru birenga 2 bitagira umurwayi mushya wanduye. Ibyo guhana intera, cyangwa andi mabwiriza ari ahandi, aha ho ntabwo agikenewe.

Pakistan

N’ ubwo ibihe ari bibi muri rusange, gusa iminsi igenda irutana, ari nako ububi bwayo busumbana. Muri iki gice cy’ Isi, bagize umunsi mubi aho habonetse ubwiyongere bw’ abarwayi ku kigero cyo hejuru.

Byibura abantu 105 byatangajwe ko bapfuye, ndetse haboneka n’ abandi banduye covid-19 bagera ku 4,646. Igiteranyo cy’ abanduye iki cyorezo muri iki gihugu cyabaye 108,317.

California

Nihakurikizwa amabwiriza yose yatanzwe, biteganijwe ko ku wagatanu inzu zerekana filimi zishobora kongera gufungura.

Izi nzu zahagaritse gukora mu isi hose mu rwego rwo kwirinda ikwirakwira rya covid-19, muri California biteganijwe ko zishobora gusubira gukora ariko zikorera ku bushobozi bwo kwakira 25% y’ abazigana. Bivuze ko ari abantu bagera ku 100.

Brazil

Igihu gikomeje kwibasirwa cyane n’ ubwiyongere bw’ aabndura ndetse n’ abicwa na covid-19.

Mu mpera z’ icyumweru dusoje, Minisiteri y’ Ubuzima muri iki gihugu yakuye ku rubuga rwayo Amakuru yerekana imibare y’ uko covid-19 ihagaza mu gihugu. Ku wambere (ejo hashize), iyi minisiteri yasohoye itangazo rivuga ko ihagarikwa ry’ ayo makuru ryatewe n’ uko hari ukwibeshya mu makuru yatanzwe aturutse mu mijyi 2 (igize iki gihugu).

Ubu, Amakuru agaragaza ko abantu 679 bapfu, naho abandi 15,654 babonywemo iyi ndwara y’ icyorezo.

Ubuhindi

Mu bantu barenga ibihumbi 250 bamaze kwandura covid-19 muri iki gihugu, abagera ku 7,473 bamaze gupfa, naho abari hejuru y’ ibihumbi 120 bo barakize.

N’ ubwo ubwiyongere bw’ abandura covid-19 muri iki gihugu butagabanuka, ntibibuza guverinoma korohereza abaturage, bagabanya ubukana bw’ ingamaba zo guhashya covid-19.

Ubu, ibice bitagatifu (hakorerwa amasengesho) hemerewe kuba hafungura. Ni nyuma y’ uko ibi bice byari bitegetswe gufunga mu gihe cy’ iminsi igera kuri 80, ibintu bitari byarabayeho mu myaka ibihumbi.

Gusa ingamba zo gukomeza kwirinda icyorezo, hari imwe mu migenzo itazajya ikorwa, harimo no kunywa ku mazi matagatifu. Ingoro ifunguye ni iyahitwa Tirupati.

Src: Aljazeera, The Washington Post, BBC, Reuters 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND