Airtel Rwanda
Kigali

OMS yasubukuye ubushakashatsi ku igeragezwa ry’umuti wa Hydroxychloroquine ku barwayi ba Covid-19

Yanditswe na: Liliane Kaliza
Taliki:4/06/2020 11:31
0

Kuri uyu wa Gatatu, Ishami ry'Umuryango w'Abibumbye ryita ku Buzima, OMS ryatangaje ko rikomeje ubushakashatsi ku igeragezwa ry’imiti ya Hydroxychloroquine mu gihe hagishakishwa uburyo bwo kuvura coronavirus.



Ku ya 25 Gicurasi, OMS yatangaje ko yahagaritse by'agateganyo ubu bushakashatsi ku muti wa Hydroxychloroquine nyuma y’uko byavugwaga ko ushobora kongera ibyago byo gupfa mu barwayi ba Covid-19, kuri ubu rero yanzuye ko nta “mpamvu” yo guhindura uburyo ubu bushakashatsi bwakorwaga.

Hydroxychloroquine isanzwe ikoreshwa mu kuvura indwara ya rubagimpande ariko abantu barimo Perezida wa Leta zunze ubumwe za Amerika, Donald Trump bashyigikiye uyu muti mu gukumira no kuvura Covid-19.

Umuyobozi wa OMS, Tedros Adhanom Ghebreyesus, yatangarije abanyamakuru ati: "Mu cyumweru gishize, itsinda nyobozi ryiyemeje guhagarika  ubushakashatsi kuri Hydroxychloroquine kubera impungenge zavuzwe ku mutekano wawo.

Ati: “Hashingiwe ku mibare ihari, abagize komite basabye ko nta mpamvu yo guhagarika iri geregeza Itsinda nyobozi ryakiriye iki cyifuzo kandi ryemeza ko hakomeza uburyo bwose bwo kurwanya covid-19 n’uyu muti wa hydroxychloroquine urimo, itsinda rizakorana n’abashakashatsi bakuru mu kongerera ingufu uyu muti”.

Ibi bibaye nyuma y’uko abarwayi 3.500 bagiye mu bihugu 35 bikoresha uyu muti kugira ngo harebwe niba wabakiza Covid-19 koko.

Src: AFP






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND