Airtel Rwanda
Kigali

Umupolisikazi w'imyaka 24 abaye umuntu wa 2 wishwe na Coronavirus mu Rwanda

Yanditswe na: Mupende Gedeon Ndayishimiye
Taliki:3/06/2020 0:47
0

Kuri uyu wa Kabiri tariki 2 Kamena 2020 mu Rwanda habonetse umuntu wa kabiri wishwe n'icyorezo cya Coronavirus, uyu akaba ari Umupolisikazi w'imyaka 24 y'amavuko nk'uko byatangajwe na Minisiteri y'Ubuzima mu Rwanda (MINISANTE).



MINISANTE yatangaje ko umuntu wa kabiri wishwe na Covid-19, "yari umupolisikazi w'imyaka 24 wari mu butumwa bw'akazi mu mahanga aho yanduriye Koronavirus aza kugarurwa mu Rwanda amaze kuremba. Yahise yitabwaho n'abaganga ariko yaje kwitaba Imana azize uburwayi bukomeye".

Minisiteri y'Ubuzima yatangaje ibi mu Itangazo yashyize hanze kuri uyu wa Kabiri mu kugaragaza amakuru mashya ku cyorezo cya Coronavirus mu Rwanda. Iyi Minisiteri yatangaje ko magingo aya abamaze kwandura iyi ndwara ari 384 harimo abantu 7 babonetse kuri uyu wa Kabiri.

Abamaze gukira iyi ndwara ya Covid-19 iterwa n'agakoko ka Coronavirus ni abantu 269 harimo 7 bakize kuri uyu wa Kabiri ni ukuvuga mu masaha 24 ashize, abakirwaye akaba ari 113 naho abamaze guhitanwa n'iyi ndwara ni abantu 2 harimo umuntu umwe wapfuye kuri uyu wa Kabiri.


Itangazo ryaturutse muri Minisiteri y'Ubuzima ryo kuri uyu wa Kabiri






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND