RFL
Kigali

Premier League: Amakipe yemerewe gukora imyitozo abakinnyi bakoranaho mu gihe yitegura isubukurwa rya Shampiyona

Yanditswe na: SAFARI Garcon
Taliki:27/05/2020 22:45
0

Kuri uyu wa gatatu amakipe hafi yayose yo muri shampiyona ya Premier league yemeje anatora ko imyitozo yo gukoranaho yemewe mu gihe umushinga wo gusubukura umwaka w’imikino 2019/20 uri hafi gushyirwa mu bikorwa.



Mu itangazo Premier league yageneye abanyamakuru yemereye amakipe gukora imyitozo abakinnyi bakoranaho ariko biri ngombwa mu gihe bitegura isubukurwa rya shampiyona.

Yagize iti“Ubu abakinnyi bemerewe kwitoreza mw’itsinda kandi bakanakoranaho ariko bagabanya kwegerana bidacyenewe”.

“Rero ibiganiro birakomeje kuri gahunda yo gusubukura umwaka w’imikino igihe bizaba ntakibazo gihari kandi tubyemerewe”.

Abakinnyi, Abatoza n’abagize amakipe bazakomeza gupimwa kabiri mu cyumweru bareba ko ntawanduye icyorezo cya COVID-19, kugira ngo atazanduza bagenzi be mu myitozo.

Abakinnyi umunani nibo bamaze gusanganwa icyorezo cya COVID-19 mu bipimo 1744 byafashwe mu minsi ishize, mu bakinnyi n’abandi bagize amakipe 20 yose akina muri shampiyona y’u Bwongereza.

Gahunda yo gupimwa izakomeza mu Cyumweru gitaha ku wa gatatu harebwa uko ubuzima bwabo buhagaze.

Abakinnyi batangiye imyitozo buri muntu ku giti cye nta wukora kuri mugenzi we mu Cyumweru gishize, nyuma yuko  premier league isubitswe muri Werurwe 2020 kubera icyorezo cya Coroavirus.

Kuri uyu wa kane abaobozi b’amakipe bazaganira ku ngingo zitandukanye ahanini zishingiye ku buryo bushoboka bwose hasozwa umwaka w’imikino 2019/20 mu buryo buboneye.  


Mu Bwongereza amakipe yemerewe gukora imyitozo yo gukoranaho





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND