Airtel Rwanda
Kigali

OMS yahagaritse ubushakashatsi ku igeragezwa ry’umuti wa hydroxychloroquine

Yanditswe na: Liliane Kaliza
Taliki:26/05/2020 12:28
0

Ishami ry’umuryango w’abibumbye ryita ku buzima OMS ryahagaritse ubushakashatsi ku muti wa hydroxychloroquine Donald Trump yamamaje cyane avuga ko ufasha abarwayi wa coronavirus mu gihe mu gihugu cye abagera ku 100.000 banduye iyi virus



Uretse Trump, Perezida wa Brezile, Jair Bolsonaro,  na we yamamaje cyane uyu muti wa  hydroxychloroquine avuga ko ushobora gufasha abarwayi ba coronavirus bituma iki gihugu kiba icya kabiri mu kugira umubare munini w’abanduye coronavirus nyuma ya Amerika

Nyuma y’ibyo rero,  Ishami ry'Umuryango w'Abibumbye ryita ku Buzima ryatangaje ko ryahagaritse ubushakashatsi bwimbitse kuri uyu muti kuko ushobora kuba wongera ibyago byo gupfa ku bawukoresheje

Mu cyumweru gishize nibwo Trump yatangaje ko ari gufata uyu muti nyuma yo kumva abaganga batandukanye bawushima,  Icyo gihe Trump yabwiye abanyamakuru ati: "Ntekereza ko ari mwiza, Numvise inkuru nyinshi  ziwuvuga  neza."

Trump akimara kumva ibihuha kuri uyu muti, icyo gihe yamaganye impuguke za guverinoma ye bwite zavugaga ku ngaruka zikomeye ziterwa na hydroxychloroquine, gusa na we yaje kunengwa cyane kuba yarakoresheje uyu muti yibwira ko uvura iyi virus

Kugeza ubu Leta zunze ubumwe z’Amerika zimaze kugira abantu benshi bahitanywe na coronavirus aho bamaze kuba ibihumbi 98.218, naho abarenga miliyoni imwe n’igice nibo bamaze kwandura  

N'ubwo OMS yahagaritse ubushakashatsi kuri uyu muti , minisiteri y’ubuzima ya Brezile yavuze ko izakomeza gusaba  abantu kuwukoresha mu kwivura COVID-19.

Umukozi wa minisiteri y’ubuzima Mayra Pinheiro yabwiye abanyamakuru ati: "Turakomeza gutuza kandi nta mpinduka zizabaho ku bijyane no gukoresha uyu muti."

Src: AFP

 

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND