Elisha the Gift yasohoye amashusho y’indirimbo 'Lucky me' yakoreye muri studio ye-VIDEO

Elisha ari mu banyempano bahatanye mu irushanwa ry’umuziki rya East Africa's Got Talent ryegukanwe n’abana bo muri Uganda. 

Iyi ndirimbo ye nshya iri mu Kinyarwanda, Icyongereza n’Igiswahili, ivuga ku bantu bakundana bari basohokanye mu kirori, umusore akagaragariza abandi agaciro umukunzi we afite kuruta abandi bose bari aho.

Uyu muhanzi asohoye amashusho y’iyi ndirimbo mu gihe yitegura kwerekeza muri Australia mu irushanwa ‘International Music Competition’.

Yabwiye INYARWANDA, ko mu rwego kwitegura iri rushanwa ari gukora imyitozo gatatu mu cyumweru y’indirimbo azakoresha muri iri rushanwa.

Yavuze ko atari yo ndirimbo ya mbere ikorewe muri studio ye yashinze mu ntangiriro z’uyu mwaka kuko n’indirimbo ‘Turwanye Coronavirus’ yakoranye n’abandi bahanzi Mani Martin, Jay Polly, Jaba Star na Mutimawurugo Claire ariho yakorewe.

Muri uyu mwaka, Elisha ashyize imbere gukora indirimbo zubakiye kuri Gakondo Fusion ndetse hari n’indirimbo ari gukorana n’abahanzi bo mu mahanga barimo Alpha wo muri Zanzibar, abo muri Tanzania, Kenya n’ahandi. 

Amajwi (Audio) y’iyi ndirimbo ye nshya yatunganyijwe na S On the Beat muri EF Record. Ni mu gihe amashusho yafashwe anatunganwa na Muhire Visuals.

KANDA HANO UREBE AMASHUSHO Y'INDIRIMBO 'LUCKY ME' YA ELISHA THE GIFT