Airtel Rwanda
Kigali

Igihe urubanza rwa Manchester City na UEFA ruzabera cyamenyekanye, menya imwe mu myanzuro ishobora kuzafatwa

Yanditswe na: SAFARI Garcon
Taliki:21/05/2020 9:40
0

Urukiko nkemurampaka rw’imikino ku Isi (CAS), rwamaze kumenyesha ikipe ya Manchester City yo mu mu Bwongereza ko urubanza rwayo n’impuzamashyirahamwe y’umupira w’amaguru i Burayi (UEFA), ruzaba mu cyumweru cya kabiri cy’ukwezi gutaha kwa Kamena 2020.



UEFA yahanishije Manchester City amande ya miliyoni 30 z’amayero ndetse no guhagarikwa imyaka ibiri ititabira amarushanwa itegura kubera kwica amategeko ajyanye no kugura no kugurisha abakinnyi (Financial Fair Play).

Akanama gashinzwe kugenzura imikoreshereze y’amafaranga muri UEFA, katangaje ko hagati y’umwaka wa 2012 na 2016 Manchester City yagize uburiganya mu gutangaza amafaranga yinjije mu baterankunga ndetse n'ayakoreshejwe.

Impuzamashyirahamwe y’umupira w’amaguru i Burayi, UEFA,yatangiye iperereza kuri iyi kipe mu Ugushyingo 2018 nyuma y’amakuru yari akomeje gutangazwa n’ikinyamakuru cyo mu Budage Der Spiegel, gusa Manchester City yahakanye aya makuru yivuye inyuma.

Ferran Soriano, umuyobozi mukuru w’ikipe ya Manchester City we atangaza ko amafaranga yose yinjiye muri iyi kipe yatangajwe mu buryo bunyuze mu mucyo. Urukiko nkemurampaka rw’imikino ku Isi (CAS) rwakiriye ubujurire bw’iyi kipe ku itariki 26 Gashyantare nta minsi 14 ishize bayifatiye ibihano.

Manchester City ishobora kuzitabira amarushanwa y’i Burayi umwaka w’imikino utaha, ibi birashoboka kuko umwaka w’imikino 2019/2020 uzagera mu kwezi gutaha utari warangira bitewe n’icyorezo cya COVID-19 (Coronavirus) cyatumye imikino ihagarikwa.

Bivuze ko Mancheter City ishobora kwitabira amarushanwa ategurwa na UEFA mu mwaka utaha w'imikino  mu gihe cyose imyanzuro izaba itarasohoka.

Byitezwe ko ibi bihano Manchester City yafatiwe bishobora kugabanywa ndetse bimwe muri byo bishobora gukurwaho burundu, byatuma iyi kipe y'umutoza Pep Guardiola yitabira UEFA Champions League mu mwaka utaha nta rwicyekwe.

Guhagarikwa mu irushanwa rya UEFA Champions League byaha amahirwe akomee ikipe izasoza ku mwanya wa Gatanu ku rutonde rusange rwa shampiyona y’u Bwongereza mu gihe City ititabiriye.


Man. City ishobora gukomorerwa ikitabira amarushanwa ategurwa na UEFA mu mwaka utaha





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND