Airtel Rwanda
Kigali

Tanzania umuti wa coronavirus yatumije muri Madagascar wayigezeho Minisitiri w’ubuzima abimburira abandi kuwunywa

Yanditswe na: Eric Misigaro
Taliki:9/05/2020 14:16
0

Covid-Organics ni umuti wakozwe n’igihugu cya Madagascar gusa ntabwo uremezwa n’Ishami ry’Umuryango w'Abibumbye ryita ku Buzima OMS/WHO. Minisitiri w'Ububanyi n'Amahanga muri Tanzania, Palamagamba yatangaje ko umuti batumije wo kurengera abaturage wabagezeho ndetse bawakirije yombi.



Abanya-Tanzania bagiye gutangira kunywa umuti gakondo bivugwa ko uvura coronavirus (Covid-Organics). Uyu muti ukozwe mu byatsi birimo Artemesia ndetse n'ibyo bavuga ko biri mu bwoko bw'inyabarasanya bisanzwe bikoreshwa mu buvuzi gakondo byo muri Madagascar.

Minisiteri y'ububanyi n'amahanga ya Tanzania yatangaje ku rubuga rwa Instagram amafoto y'iryo hererekanya ry'uwo muti.

Ifoto imwe igaragaza Minisitiri wo muri Madagascar ahereza ipaki y'umuti mugenzi we w'ububanyi n'amahanga wa Tanzania, Palamagamba Kabudi, mu gihe indi ibagaragaza bombi bawusomaho.

Ishami ry'Umuryango w'Abibumbye ryita ku Buzima (OMS/WHO) ryamaganye ibivugwa na Madagascar ko uwo muti yakoze ushobora kuvura abarwayi ba Covid-19, indwara y'ubuhumekero iterwa na virusi yo mu bwoko bwa corona.

Ku wa kane, umukuru wa OMS ishami ry'Afurika yaburiye ibihugu kwirinda gukoresha imiti gakondo mbere y'uko ikorerwa igeragezwa ku barwayi rishingiye ku buhanga bwa siyansi. Mu kiganiro n'abanyamakuru, Dr Matshidiso Moeti yagize ati: 

"Mu mwaka wa 2000, leta zacu ziyemeje, binyuze kuri ba minisitiri bazo b'ubuzima, ko zizafata imiti gakondo n'indi miti ikanyuzwa mu mageragezwa [ya siyansi] ku barwayi. Rero nifuzaga gusaba no kujya inama ko iki cyemezo cyafashwe na za leta kigomba gukurikizwa"

Tanzania ni kimwe gusa mu bihugu byinshi byo ku mugabane w'Afurika byamaze gutumiza uwo muti cyangwa biteganya kuwutumiza. Ibyo birimo nka Repubulika ya Demokarasi ya Kongo, Guinea-Bissau, Equatorial Guinea na Liberia.

Src: bbc.com 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND