RFL
Kigali

Afurika Yunze Ubumwe na OMS banyomoje ikinyoma cya Perezida Magufuri uvuga ko Ibipimo bipima Covid-19 bya Tanzania bipima nabi

Yanditswe na: David Mayira
Taliki:8/05/2020 10:06
0

Nyuma y'aho Perezida wa Tanzania, Magufuri avuze ko ibipimo byifashishwa mu gihugu cye mu gupima Coronavirus bidakora neza, ibi byatume ukuriye Umuryango wa Afurika Yunze Ubumwe mu kugenzura ibikorwa byo kurwanya coronavirus ahakana ibyavuzwe n’uyu mu Perezida.



John Nkengasong, Ukuriye Afurika Yunze Ubumwe mu rwego rwo kurwanya Covid-19 muri Afurika yahakanye ibyavuzwe na Perezida John Magufuli wa Tanzania ko ibikoresho byifashishwa mu kuyipima bidakora neza.

Muri weekend ishize, Bwana Magufuli, wakunze kunengwa ko atafashe ingamba zikwiye mu kwirinda iki cyorezo, yakemanze ibikoresho byifashishwa mu gupima iyi ndwara.

Yavuze ko mu ibanga, bahaye ibipimo by'inyamaswa n'imbuto laboratoire y'igihugu isuzuma iyi ndwara, ibisubizo bikemeza ko ipapayi, inyoni n'ihene babisanzemo Covid-19.

Mu gupima iki cyorezo ubusanzwe hafatwa ikigero gito cy'amatembabuzi y'imbere cyane mu mazuru y'umuntu.

Asubiza ku byavuzwe na Magufuli, John Nkengasong ukuriye Africa Centres for Disease Control and Prevention (Africa CDC) yabwiye abanyamakuru ko "ibikoresho bikoreshwa byizewe kandi bikora neza".

Nk'uko BBC dukesha iyi nkuru ibitangaza, uyu muyobozi yakomeje avuga ko ubufatanye ari ingenzi cyane niba abantu bifuza gutsinda urugamba rwa Covid-19. Dr Nkengasong ati: "Nta gihugu cyaba nyamwigendaho muri Afurika" iyo bigeze mu guhangana n'iyi virus.

Dr Matshidiso Moeti, ukuriye OMS/WHO muri Afrika nawe yatangaje ko ibyavuzwe na Bwana Magufuli atari ukuri. Madamu Moeti yavuze ko bagenzuye ibyo yavuze bagasanga nta cyerekana ko ibikoresho biri kwifashishwa muri Tanzania bifite ikibazo.

Ubuyobozi muri Tanzania bwahisemo gukomeza ibikorwa by'ubukungu bwirinda gufunga amasoko n'ibyambu n'ahandi hahurira abantu benshi mu mijyi.Bwana Magufuli kandi yavuze ko abantu bakomeza bakajya guteranira mu nsengero kuko ari ho "hari umuti nyawo" wa coronavirus.

Kuva kuwa kane w'icyumweru gishize nta makuru mashya aratangazwa na leta ya Tanzania kuri Covid-19. Uwari ukuriye ibikorwa bya laboratoire y'igihugu isuzuma iyi virus yahise ahagarikwa ku kazi hashize umunsi umwe Bwana Magufuli avuze ko ibisubizo batanga bitizewe.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND