Icyorezo cya Coronavirus kiri muri bimwe bihangayikishije Isi kugeza magingo aya, aho abantu batandukanye bakomeje guhitanwa n’iki cyorezo. Afurika nayo yibasiwe n’iki cyorezo. Ubu Gereza ya gisirikare ya N'dolo muri Repubulika ya Demokarasi ya Kongo yatangaje ko imfungwa 43 zemejwe ko zanduye icyorezo cya coronavirus.
Amakuru atangazwa na BBC ahamya ko izi mfungwa zanduye
icyi cyorezo ariko bagashimangira ko abategetsi ba gereza n'abo mu rwego
rw'ubuvuzi bakaba bari gukumira ko izindi mfungwa zakwandura.bityo ubuzima bw’imfungwa
bukaba bubi no mu bwoba bukabije.Profeseri Steve Ahuka ukuriye ibikorwa
by'ubutabazi muri DR Congo, yavuze ko hari kurebwa uburyo bwo guhagarika
ubwandu muri iyo gereza iri mu murwa mukuru Kinshasa.
Ubwo yasuraga iyo gereza ku munsi wo ku wa gatanu, Bwana Ahuka yagize ati:"Turi
gutekereza ku gushyira amahema mu mbuga ya gereza mu rwego rwo kwita ku bantu
banduye ndetse no guhumanura ahantu handuye".Yanavuze ko hakomeje gukorwa
iperereza ngo harebwe niba hari abandi banduye.
Kuva ku itariki ya 10 y'ukwezi kwa gatatu uyu mwaka,
muri DR Congo hamaze kwemezwa abantu 604 barwaye Covid-19, indwara yo mu myanya
y'ubuhumekero iterwa n'ubu bwoko bushya bwa coronavirus.96% by'abo babwayi bose
babonetse i Kinshasa, umujyi wahindutse indiri y'iyi ndwara muri icyo gihugu.
Muri abo 604, 32 imaze kubica naho 75
barayikize.
TANGA IGITECYEREZO