RFL
Kigali

COVID-19: Shampiyona y’u Buhorandi yagizwe imfabusa, gutanga igikombe biburizwamo

Yanditswe na: SAFARI Garcon
Taliki:24/04/2020 21:19
0

Akanama gashinzwe gutegura shampiyona y’icyiciro cya mbere mu Buholandi kamaze kwemeza ko umwaka w’imikino muri iki gihugu ufatwa nk’utarabaye hashingiwe ku buryo icyorezo cya coronavirus gihagaze muri iki gihugu, nyuma yuko ibikorwa by’imikino bisubitswe mu rwego rwo kwirinda ikwirakwira ryacyo.



Ku mugoroba wo kuri uyu wa Gatanu tariki ya 24 Mata 202, KNVB yatangaje ko “bidashoboka gukomeza Shampiyona y’uyu mwaka w’imikino wa 2019/20.’’

Shampiyona ya Eredivisie yasubitswe burundu ndetse igikombe nticyatangwa aho abashinzwe umupira bavuze ko nta kipe igomba kuzamuka mu cyiciro cya mbere cyangwa icya kabiri kubera Coronavirus.

Amakipe yari ayoboye shampiyona ni Ajax na AZ Alkmaar n’amanota 56, yabwiwe ko nta n’imwe ihabwa igikombe ndetse na Cambuur yari yari yizeye kuzamuka kubera amanota 11 yarusha amakipe ayikurikira igomba kuguma mu cyiciro cya kabiri.

Amakipe menshi mu Buholandi yasabwe gutora imyanzuro y’uko iyi shampiyona yagenda,16 yemeza ko nibura habaho uburyo bwo kumanura no kuzamura amakipe mu byiciro.

Abayobozi b’umupira w’amaguru mu Buholandi kandi bemeje ko bagiye gupanga uburyo basoza imikino yo mu byiciro bibiri biri munsi y’icyiciro cya mbere byibuze ku buryo tariki ya 19 z’ukwa gatandatu zaba zarangiye ariko bagakina nta mufana.

Ajax na AZ Akmaar za mbere, zizahagararira u Buholandi mu matsinda y’irushanwa rya UEFA Champions League ry’umwaka w’imikino wa 2020/21.


Ajax yari ku mwanya wa mbere ntizahabwa igikombe





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND