Tour de France ishobora gusubikwa kubera Coronavirus

Ku wa mbere tariki 13 Mutarama 2020, Perezida w’u Bufaransa Emmanuel Macron yatanze itegeko ko igihe cyo gufungura ibikorwa bihuriramo abantu benshi, cyongerewe kugeza mu kwezi kwa Nyakanga, mu rwego rwo guhangana n’icyorezo cya Coronavirus.

Tour de France y’uyu mwaka iteganijwe gutangira tariki 27 Kamena kugeza tariki 19 Nyakanga 2020. Irushanwa ry’umwaka ushize regukanwe na Chris Froome, muri rusange ikipe ya Team Ineos' Egan Bernal isoza iri rushanwa iri ku mwanya wa mbere.

Tariki 10 Mata 2020, Impuzamashyirahamwe y’umukino wo gusiganwa ku magare ku Isi, yakase imishahara y‘abayobozi mu rwego rwo guhangana n’icyorezo cya Coronavirus.

Irindi siganwa rikomeye ku Isi mu mukino wo gusiganwa ku magare rya Giro d'Italia ryamaze gusubikwa kubera icyorezo cya Coronavirus cyayogoje igihugu cy’u Butaliyani.

Abashinzwe gutegura iri rushanwa ntacyo baratangaza ku mwanzuro w’ahazaza h’iri rushanwa, gusa igishoboka ni uko iri rushanwa ryasubikwa rikazakinwa mu mwaka utaha cyangwa igihe iki cyorezo kizaba cyaratuje.

Amarushanwa atandukanye yari ateganyijwe muri uyu mwaka wa 2020 yose yimuriwe muri 2021 kubera icyorezo cya Coronavirus.