Ni mu gihe Isi yose yugarijwe n’la COVID-19 iri kwibasira ubuzima bwa benshi kuri uyu mubumbe w’Isi. Ibihugu bitandukanye byashyizeho gahunda yo kuguma mu ngo ku baturage mu kwirinda ikwirakwira ry’iki cyorezo, ariko inzobere zo mu Bushinwa zagaragaje ko ibyiza ari uko abantu baguma mu ngo zabo kugeza urukingo rubonetse.
Inkuru dukesha theguardian ivuga ko Abashakashatsi
bakorera muri Hong Kong bavuga ko Ubushinwa bugenzura cyane ubuzima bwa buri
munsi bw’abantu banduye Coronavirus
ndetse n’uburyo yandura, dore ko muri kiriya gihugu ariko iki
cyorezo cyatangiriye mu mujyi wa Wuhan mu mpera z’umwaka 2019.
Prof Joseph T
Wu wo muri kaminuza ya Hong Kong, wari uyoboye ubwo bushakashatsi yagize ati:
“Nubwo izi ngamba zo kugenzura zisa n'aho zagabanije umubare w’ubwandu kugera ku
rwego rwo hasi cyane, hatabayeho ubudahangarwa kuri Covid-19, indwara zishobora kongera
kwiyongera mu gihe ubucuruzi, ibikorwa by’uruganda, ndetse n’amashuri bigenda
byiyongera bikongera no kuvanga imibereho,mbese bigasubira mu bikorwa byabwo ibi
byatera impungenge umuti wa Coronavirus utaraboneka.byatuma rero Covid-19
ikomeza gukwirakwira ku isi hose, ”.
Aba
bashakashatsi baraburira amahanga , niba ubuzima busanzwe bwemerewe gusubukurwa
vuba kandi gukuraho ubugenzuzi bikaba byinshi, umubare wimyororokere ya COVID-19 uzongera kwiyongera cyane mu buryo
buzatungura Isi nanone mu gihe abantu bavuye mu ngo zabo.
Ikindi kinyamakuru Business Insider nacyo cyatangaje ko hari itsinda ry’abashakashatsi barenga 40 barimo gukora urukingo rwa COVID19. Gusa tsinda rya Oxford rishinzwe gukora urukingo rwa COVID19, ryo rivuga ko urukingo rwizewe rushobora gukorwa mu myaka itanu kugeza ku myaka icumi.
Abe Malkin, Umuyobozi w’Ikigo cy’Ubuvuzi muri Los
Angeles, avuga ko harimo gushyirwamo imbaraga nyinshi mu gukora urukingo rwa
COVID19 ku buryo ngo bishobora gutwara amezi 12 cyangwa 18.
Twavuga ko kugeza ubu imibare y’abantu bamaze kwandura Coronavirusi ku Isi bamaze miliyoni n’igece naho
abarenga ibihumbi 88 barapfuye. Mu gihe mu Bushinwa abarenga ibihumbi 82 bayanduye mu gihe abishwe na COVID19 ari 3,337.
TANGA IGITECYEREZO