Ahabanza Ubuzima

Amakuru y'aho umuti wa Coronavirus ugeze ukorwa! Menya ibigo 10 by’ubuvuzi bigiye kurokora Isi

Yanditswe na: Eric Misigaro
Taliki:10/04/2020 16:00 0

Nk'uko bitangazwa na OMS hari ibigo byinshi biri kugerageza umuti w'icyorezo cya Coronavirus, gusa hari bimwe muri byo byenda kugera ku ngingo itegerejwe kumva n'amatwi ya benshi. Ibigo byinshi bimeze nk'ibiri mu irushanwa kuko buri kimwe kirashaka kuba icya mbere mu kugera ku muti uzarokora Isi.

Mu kwezi gushize kwa Werurwe ni bwo ibigo byiganjemo ibyo mu gihugu cy’u Bushinwa byatangaje ko byatangiye igerageza rihamye rw’urukingo rw Covid-19 ndetse n'umuti wa Coronavirus, gusa amaso y'abatuye Isi yaheze mu kirere ndetse bamwe bishwe n’inzara aho badahwema gutongana na za leta zabo ngo ntacyo ziri kubafasha.

Ese ni nde wo gutabara?

Ubu magingo aya igihugu kiri ku isonga mu kuzahazwa na coronavirus ni Leta Zunze Ubumwe za Amerika. Umukuru w'iki gihugu ntabwo ari kumvikana n’Umuryango w’Abibumbye (United nation) binyuze mu ishami ryawo rishinzwe ubuzima (OMS) aho ari kuvuga ko uyu muryango uri gutonesha igihugu cy’u Bushinwa.

Nyuma y'iyi nkundura benshi bahise bagaruka ku gihuha kivuga ko intonganya ziri hagati ya Amerika n'u Bushinwa yaba ariyo ntandaro y'iki cyago cyoretse Isi. Abandi ntabwo bahwema kuvuga ko u Bushinwa bushobora kuba bufite umuti wa covid-19 ariko bakaba badashaka kuwutanga mu gihe Isi yaba itaragera mu mage.

Ibi byose bivugwa hashingiwe ku kuba u Bushinwa nta bantu bakiri kwandura cyane ndetse n'abapha bakaba baragabanutse kandi ibikorwa remezo by’iki gihugu bikaba byasubiye mu murongo kabone no mu mujyi wa Wuhan aho iki cyorezo cyatangiriye. Ubu igikorwa gisigaye kongera kujya mu murongo ni itangizwa ry'amashuli kandi naryo riri bugufi.

Uwo gutabara magingo aya ntabwo aramenyekana ndetse n’abakire batandukanye mu ngeri zose bari mu bari barangamiwe n'imbaga nyamwishi ntagikomeye gitangazwa, gusa ubu icyo bari gukora ni ugutanga amafaranga menshi mu rwego rwo guca intege iki cyorezo.

Ubu ku Isi abarwayi barangana na 1,615,049 naho abamaze guhitanwa na covid-19 barangana na 96,791, abayikize barangana na 362,538. Igihugu kiri ku isonga mu kwibasirwa ni Amerika ifite abarwayi bangana na 468,895 ndetse n’umubare w'abamze guhitanwa n'iki cyago muri iki gihugu urangana na 16,697. Mu Butaliyane abantu 18,279 ni bo bamaze guhitanwa n'iki cyorezo ndetse iki gihugu ni cyo cya mbere ku Isi gifite uyu mubare.

Ubu ku Isi hose hari ibigo byinshi by’ubuvuzi biri gukora umuti wa coronavirus, gusa ibitangazwako byenda kugera ku musozo ni ibigo 10 ari byo tugiye kugarukaho muri iyi nkuru.