Uyu munsi mu Rwanda hatangiye kuburanishwa imanza mu buryo budasanzwe aho iburanishwa riba aberegwa, abashinjacyaha n'abacamanza batari mu cyumba kimwe, mu rwego rwo kwirinda ikwirakwira rya C.
Ibikorwa byose uretse
ibyangombwa cyane byarahagaritswe mu Rwanda, ubu hagiye gushira ibyumweru
bitatu. Imanza na zo zari zarahagaritswe.
Uyu munsi, ku cyicaro
cya Polisi y'umujyi wa Kigali i Remera hari hahurijwe abaregwa bafunze, bicaye
bategeranye bambaye amapingu kandi bitegeye insakazamushusho nini imbere yabo.
Bararebana ku mashusho n'ubushinjacyaha buri ku cyicaro cyabwo ku Kimihurura n'abacamanza nabo bari mu cyumba cy'urukiko rw'ikirenga.
Ugezweho mu baregwa
akurwaho amapingu akigira imbere y'iyi nsakazamashusho akarebana n'abacamanza
n'ubushinjacyaha.
Aba bose b'uyu munsi baraburana ku ifunga n'ifungurwa ry'agateganyo. Biraboneka ko abaregwa byabagoye kumenyera kwisobanura imbere y'insakazamashusho, barasa n'abatabibona nk'urubanza rusanzwe.
Abacamanza bafataga umwanya munini babaza uregwa kugira ngo asubize yumva ko ari gusubiza urukiko. Muri iri buranisha rya none nta bunganira abaregwa bagaragaye.
Iri buranisha
ridasanzwe mu Rwanda ryatangiriye mu rukiko rw'ibanze rwa Gasabo.
Harrison Mutabazi,
umuvugizi w'inkiko mu Rwanda yatangaje ko ibi ari igerageza rya mbere rishobora
gukomereza n'ahandi mu gihugu.
Yavuze ko ibi bigamije kugabanya ubwinshi bw'imanza buri kwirundanya mu nkiko muri ibi bihe bidasanzwe no kwihutisha ubutabera. Atanga urugero ko, nko mu karere ka Kicukiro honyine ubu hari imanza 150 z'ifunga n'ifungurwa ry'agateganyo zitegereje kuburanishwa.
Mu cyumweru gishize, ubushinjacyaha bw'u Rwanda bwatangaje ko buri kurekura by'agateganyo bamwe mu bafungiye kuri sitasiyo za polisi baregwa ibyaha byoroheje. Bwavuze ko ibi bigamije kwirinda ubucucike n'ikwirakwira ry'iki cyorezo.
TANGA IGITECYEREZO