RFL
Kigali

Ibitaro byo muri Suede byahagaritse ikoreshwa ry’Imiti ya Chloroquinine ku barwayi ba COVID-19

Yanditswe na: Niyibizi Honoré Déogratias
Taliki:9/04/2020 13:04
0


Muri iki gihe Isi yugarijwe n'icyorezo cya Coronavirus hakomeje kugenda hatangazwa imiti myinshi ishobora kwifashishwa mu guhangana n'iki cyorezo. Gusa imwe n’imwe igenda itavugwaho rumwe bitewe n’ingaruka igira ku bayihawe.



Ibitaro byo muri Suwede byahagaritse gukoresha imiti ya Malariya izwi nka Chloroquine ku barwayi ba Coronavirus nyuma y’amakuru avuga ko uyu muti utera umutwe n’ubuhumyi ku barwayi na Coronavirus.

Abaganga bo mu gace ka Vastra Gotaland, mu birometero 200 mu Burengerazuba bw’umurwa mukuru Stockholm muri Suede, batangaje ko batazongera gukoresha umuti wa Chloroquinine mu kuvura abarwayi ba COVID-19.

Ibi babitangaje nyuma y'uko abarwayi bahawe uyu muti ubateye ibibazo birimo ubuhumyi, umutwe n'ibindi. Mu busanzwe iyi miti ya Chloroquinine yifashishwa mu kuvura Malariya. Nyuma yo gutangaza ibi bahise banyomoza ibyavuzwe na Perezida Donald Trump, wari wavuze ko uyu muti wa Chloroquinine ari umuti w'igitangaza (Miracle drugs).

Umubare munini w'abarwayi bo mu bitaro byo muri iyo ntara bavuze ko bafite uburibwe, kandi batabona neza nyuma y’iminsi mike bandikiwe iyo miti. Umuntu umwe mu bantu 100, mu bafashe uyu muti ashobora kugira ikibazo cy’Umutima utera gake cyane.

Ibi bikaba byamuviramo kugira ibibazo by'umutima bitandukanye bishobora no gutuma yanapfa. Chloroquine – yemejwe nk’umuti wa Malariya kuva mu myaka y’1940.

Muri iki gihe isi yugarijwe n’icyorezo cya Coronavirus, uyu muti wari waratangajwe nk'umuti ushobora kwifashishwa mu kuvura COVID-19. Ibi bikaba byaremejwe mu bushakashatsi bwakorewe mu Bushinwa.

Abaganga bo mu Burayi, Amerika n' u Bushinwa bahawe uruhushya rwo gusuzuma uyu muti ku barwayi ba Coronavirus barembye cyane. Ariko Ubwongereza bwabujije abaganga gukoresha uyu muti kugeza igihe ibizamini by’amavuriro birangiye, kubera impungenge z’umutekano wawo utizewe.

Prof. Anthony Gordon, umwe mu baganga bakomeye mu Bwongereza yavuze ko nta muti wizewe neza uragaragara washobora guhangana na Coronavirus.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND