Mu gihe Isi yugarijwe n’icyorezo cya COVID-19 kiri gutwara ubuzima bwa benshi muri Amerika cyane cyane, Cardi B yifatanyije na kompanyi yitwa Fashion Nova mu gutanga ubufasha ku bakene aho bemeye kujya batanga igihumbi cy’Idorali buri Saha mu kuramira abakene bagizweho ingaruka zatewe na COVID-19.
Cardi B yatangaje ku wa Gatatu w’iki cyumweru hamwe na Fashion Nova bazatanga nibura agera cyangwa akarenga miliyoni imwe
y’amadolari , kuko bagomba kujya basohora $1000 ku Isaha mu gihe igikorwa
kizamara hafi iminsi 50.
Biteganijwe ko bazakomeza gukora icyo gikorwa kugeza ku
ya 20 Gicurasi 2020, Gahunda ya Fashion Nova Cares na Cardi B bazashyira amafaranga mu maboko
y’abantu bakeneye ubutabazi.
Richard Saghian, washinze Fashion Nova akaba
n'umuyobozi mukuru, agira ati: "Abantu barwana no kwishyura ubukode,
kugura ibiryo, imiti n'ibindi bintu bakeneye kuri bo no ku miryango yabo. Twese
twumva impuhwe n'impungenge ku bahuye na Coronavirus."
Yongeyeho
ati: "Nova isanzwe ariyo yambika Cardi B izaha abantu ubutabazi bukenewe
kugira ngo ibafashe guca muri iki kibazo. Nk’ikimenyetso kiranga abaturage,
twatewe inkunga n'ineza n'ubuntu by'abandi kandi twifuzaga gukora uruhare rwacu
kugira ngo dufashe abakeneye ubufasha. ”Fashion Nova, ni inzu ikora imyenda y’imideli
ikanambika ibyamamare birimo Cardi B.
Amakuru ya
TMZ akomeza avuga ko bazashyiraho itsinda hanyuma iryo tsinda rizahitamo abantu 24 bakenye buri
munsi babaye ayo mafaranga mugihe
gahunda izamara.Cardi B ari mu bahanzzikazi bo muri Amerika bakunzwe cyane
kandi bakiri bato.
Muri Leta zunze ubumwe za Amerika coronavirus
iri kwica benshi cyane kurenza mu bindi bihugu bigize Isi, ubu yishe abantu
1,736 mu gihe cy’umunsi umwe gusa w’ejo kuwa kabiri, ni bo benshi iyi ndwara
yishe mu gihugu kimwe ku munsi kugeza ubu.
Byahise bituma umubare w’abamaze kwicwa n’iyi ndwara muri
Amerika uzamuka ugera ku 12,857 nk’uko bivugwa na kaminuza y’ubushakashatsi ya
Johns Hopkins. Kugeza ubu Amerika ifite abantu barenga 400,000 babonywemo
Covid-19, niwo mubare munini mu gihe ubu ku isi habarwa abarenga miliyoni 1,4
banduye.
TANGA IGITECYEREZO