Impuzamashyirahamwe y’umupira w’amaguru ku mugabane w’i Burayi’UEFA’ yafatiye ibihano ikipe ya Liverpool ndetse na Manchester City kubera kwica nkana amategeko agenwa n’iyi mpuzamashyirahamwe mu mikino baheruka gukina ya 1/8 muri UEFA Champions League.
Kuri
Stade ya Anfield mu gihugu cy’u Bwongereza, ntabwo abafana ba Liverpool bitwaye
neza ku mukino wayihuje na Atletico Madrid muri 1/8 cya UEFA Champions League bikaba
byatumye UEFA iyifatira ibihano byo kuyihaniza.
Mu
mukino wahuje amakipe yombi, kuri sitade ya Anfield, ukaza kurangira Liverpool
itsindiwe kuri sitade yayo, ndetse igahita inasezererwa muri 1/8 muri iri rushanwa,
abafana b’iyi kipe ya Liverpool baranzwe n’imyitwarire idahwitse.
Kuri
uwo mukino, abafana ba Liverpool, bagaragaye bacana ibyuka biryana mu maso,
kandi bitemewe, bituma UEFA ihanisha Liverpool gutanga ama EURO ibihumbi bitatu
na 250 (€3,250).
Indi
kipe yahanwe ni Manchester City yarenze ku mategeko ya UEFA mu mukino wabereye i
Santiago Bernabeu mu mujyi wa Madrid.
Ni
umukino wabaye mu kwezi gushize, ubwo Manchester City yajyaga kuri sitade ya
Real mu gihugu cya Espanye, ndetse bahatsindira Real Madrid ibitego 2-1.
Kuri
uyu mukino Manchester City yari yambaye umwambaro wo hejuru wanditseho
umuterankunga w’iyi kipe, ndetse hariho n’ikirango cy’uyu muterankunga, ariko
ingano y’amagambo yo kwamamaza ikaba yari yarenze iteganywa na UEFA.
Imyambaro
yo hejuru ingano yayo ikaba yari nini ukurikije ingano UEFA iteganya gushyira
ku myambaro.
UEFA
iteganya ko, ikirango cy’umuterankunga kidakwiye kugaragara birenze Cm 20
(20cm) ku mwenda, kandi Manchester City yo yari yambaye amakoti arengeje iyo
ngano.
Byatumye
iyi kipe yo mu Bwangereza ifatirwa ibihano byo gucibwa amande angana n’ama EURO
3000 (€3,000.
Imikino
ya 1/8 muri UEFA Champions League yasize amakipe atatu yose yo mu Bwongereza
afatiwe ibihano kubera kutubaha amategeko ya UEFA, ayo ni Tottenham, Mancester
City na Liverpool.
Ibyuka biryana mu maso byatewe n'abafana ba Liverpool
Umukino warangie Atletico Madrid isezereye Liverpool
Manchester City yahanwe kubera imyambarire
TANGA IGITECYEREZO