RFL
Kigali

COVID19: Kuba abantu bari kumwe barenze 2 ni icyaha muri Australia

Yanditswe na: Liliane Kaliza
Taliki:1/04/2020 14:01
0


Muri Australia ingamba zo guhangana na Virusi ya Corona zatangiye gukazwa. Kuba abantu bari kumwe barenze babiri, ni icyaha muri iki gihugu.



Hakurikijwe amabwiriza mashya yo kurwanya virusi ya corona itera indwara ya COVID-19, ingamba zikaze zashyiriweho kugabanya umuvuduko wa Covid-19, zatangiye gushyirwa mu bikorwa uyu munsi kuwa kabiri. 

Uretse kuba abantu babujijwe kuba hamwe barenze babiri, ibihano bizanafatirwa umuntu wese uzava mu rugo adafite impamvu igaragara. Mu mpamvu zumvikana harimo nko kujya ku kazi, guhaha ibintu bya ngombwa, kwivuza cyangwa gukora siporo.

Abategetsi bavuga ko polise izakora yivuye inyuma, kugirango izo ngamba zubahirizwe.

Australiya yanatangaje gahunda izashyirwamo amafaranga menshi mu mateka y’igihugu, igamije gufasha abakozi n’abashoramari muri ibi bihe bikomeye biterwa n’iki cyorezo cya virusi ya Corona.

Amafaranga guverinema izatanga ku bakozi no ku bigo by’imari, yose hamwe, ubu ahagaze hafi muri miliyari 130 z’amadolari. Abategetsi ba Australiya baragerageza kugabanya ingaruka z’icyorezo cya Covid-19 ku bukungu bw’igihugu.      

Src : VOA                                                              






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND