RFL
Kigali

Espagne: Abantu 849 bishwe na Covid-19 mu gihe cy’amasaha 24 gusa

Yanditswe na: Liliane Kaliza
Taliki:31/03/2020 19:11
0


Mu gihugu cya Espagne, umubare w’abantu bishwe na virusi ya corona wazamutseho abantu 849



849 Ni wo mubare wa mbere munini w’abantu bapfuye ku munsi muri icyo gihugu kuva aho iyo virusi ihagereye.

Bibaye mu gihe muri icyo gihugu bari batangiye kubona igabanuka ry’umubare w’abantu bashya bandura iyo virusi. Abantu bamaze kwicwa na virusi ya corona muri Espagne bamaze kurenga 8,000. Abamaze kwandura iyo virusi bo bamaze kurenga 94,000.

Umujyi wa Madrid ni wo wibasiwe cyane na virusi ya corona. Abantu barenga 3,600 bamaze kwicwa niyo virusi, mu gihe hafi 28,000 bamaze kuyandura.

Espagne ni cyo gihugu kiza ku mwanya wa kabiri nyuma y’Ubutaliyani gifite umubare munini w’abantu benshi bamaze guhitanwa na virusi ya corona ku isi.

Muri Leta zunze ubumwe z’Amerika naho kuri uyu wa mbere hapfuye abantu barenga 500. Ni bwo bwa mbere umubare nk’uwo ugaragaye kuva iyo virusi yavugwa bwa mbere muri icyo gihugu mu kwezi kwa mbere.

Muri Amerika kugeza ubu haravugwa abantu 3,000 bamaze kwicwa na virusi ya corona. Abarenga 160,000 bamaze kuyandura.

Ku isi hose abantu barenga 38,700 bamaze kwicwa na virusi ya corona mu gihe abarenga 800,000 bamaze kuyandura.

Src: VOA 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND