Leta ya Kenya imaze kwemeza abandi barwayi 9 banduye coronavirus. Ubu umubare w’abanduye bose hamwe muri iki gihugu bageze kuri 59.
Mu buryo buteye kwibaza , umuvugizi wa leta ya
Kenya yabujije abanyamakuru kubaza ibibazo bijyanye na coronavirus uyu munsi.
Byari byitezwe ko leta isubiza ku makuru yuko umwana
w’umuhungu w’imyaka 13 yapfuye nyuma yaho arasiwe na polisi irikubahiriza igihe
cy’umukwabu cyashyizweho na leta mu guhangana n'icyorezo cya coronavirus.
Ibyo byabaye ku mugoroba w’ejo. Uwo mwana w’umuhungu
yapfiriye mu bitaro mu gitondo cyo kuri uyu wa kabiri, ndetse ubu yamaze
gushyingurwa.
Umukuru wa polisi ya Kenya yategetse ko hakorwa
iperereza aka kanya ndetse hakagaragazwa n’ibyangombwa by’imbunda zose
z’abapolisi bari ku kazi muri ako gace kitwa Huruma mu karere ka Mathare mu
murwa mukuru Nairobi.
Src: BBC
TANGA IGITECYEREZO