RFL
Kigali

Abatoza 10 b'umupira w'amaguru bahembwa agatubutse kurusha abandi ku Isi

Yanditswe na: Niyibizi Honoré Déogratias
Taliki:29/03/2020 9:39
0


Umupira w’amaguru ni kimwe mu bintu bikundwa kandi bigakurikirwa n’abantu benshi ku Isi, ibi bigatuma ushyirwamo amafaranga menshi kugira ngo utere imbere unajyane n’igihe. Ni muri urwo rwego abantu bafite aho bahuriye nawo cyane yaba abakinnyi ndetse n’abatoza bakuramo agatubutse cyane.



Muri iyi nkuru tugiye kubabwira abatoza bahembwa agatubutse kurusha abandi ku isi.

1.DIEGO SIMEONE (ATLETICO MADRID)

Umunyargentine utoza Atletico Madrid Diego Simeone ni we uza ku mwanya wa mbere. Uyu mugabo akaba afata Miliyoni 36.7 z’Amapawundi ku mwaka, nyuma yo kongera amasezerano azamugeza muri 2022.

2.ANTONIO CONTE (INTERNAZIONALE DE MILANO)

Umutaliyani utoza Inter de milan Antonio Conte ni we uza kumwanya wa kabiri, aho ahembwa miliyoni 27.2 z’Amapawundi ku mwaka, nyuma yo gusezererwa muri Chelsea akerekeza iwabo mu Butaliyani muri Intel de Milan.

 3.PEP GUARDIOLA (MAN CITY)

Ku mwanya wa gatatu tuhasanga umugabo ukomoka muri Espagne Pep Guardiola utoza ikipe ya Manchester City, akaba ahembwa umushahara ugera kuri Miliyoni 24.5 z’Amapawundi ku mwaka.

 4.JURGEN KLOPP (LIVERPOOL)

Ku mwanya wa kane turahasanga umudage utoza ikipe ya Liverpool Jurgen Klop. Uyu mudage akaba ahembwa akayabo kangana na Miliyoni 21.8 z’Amapawundi ku mwaka.

 5.ZINEDINE ZIDANE (REAL MADRID)/JOSE MOURINHO (TOTTENHAM)

Ku mwanya wa gatanu tuhasanga abagabo babiri umwe uturuka muri Portugal akaba atoza Tottenham yo mu gihugu cy’u Bwongereza undi akaba aturuka mu Bufaransa aho atoza Real de Madrid yo mu gihugu cya Espagne. Aba bombi buri umwe ahembwa akayabo kangana na Miliyoni 20.9 z’Amapawundi ku mwaka.

 7. ERNESTO VALVERDE (FC BARCELONA)

Ku mwanya wa karindwi tuhasanga umunya Espagne watozaga Barcelona, aho yahembwaga amafaranga agera kuri Miliyoni 17.2 z’Amapawundi ku mwaka. Akaba yarasezerewe n'iyi kipe mu ntangiriro z'uyu mwaka.

 8. FABIO CANNAVARO (GUANGZHOU EVERGREEN)

Ku mwanya wa munani tuhasanga umutaliyani utoza ikipe yo mu Bushinwa yitwa Guanzhou Evergreen, akaba ahembwa akayabo kangana na miliyoni 12.7 z’Amapawundi ku mwaka.

9. MASSIMILIANO ALLEGRI (JUVENTUS)

Ku mwanya wa cyenda tuhasanga umutaliyani wahoze atoza ikipe ya Juventus yo mu Butaliyani, akaba yarahebwaga akayabo kagera kuri Miliyoni 12.3 z’Amapawundi ku mwaka. Akaba yarirukanywe umwaka ushize ubwo shampiyona yasozwaga.

10. RAFA BENITEZ (DALIAN AERBIN)

Ku mwanya wa cumi tuhasanga umunya Espagne utoza ikipe yo mu bushinwa yitwa Dalian Aerbin, akaba ahembwa akayabo kagera kuri miliyoni 11.8 z'Amapawundi ku mwaka.

Src: Mirror.co.uk






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND