Airtel Rwanda
Kigali

Coronavirus: Muri Amerika ibintu bikomeje kuzamba! Abarwayi bageze ku 104,686, mu Butaliyani abamaze kwitaba Imana ni 9,134

Yanditswe na: Eric Misigaro
Taliki:28/03/2020 16:40
0

Isi iri mu gihe kigoranye aho magingo aya igihugu cya Leta Zunze Ubumwe za Amerika ari cyo gifite imibare myinshi y'abanduye Covid-19. U Butaliyane bufite abahitanwe na Covid-19 bajya kwikuba inshuro 3 z'abo u Bushinwa bufite. Africa ifite abangana na 6.21% by’abanduye ku Isi yose.



Ubu Isi yose ifite abagera ku 613,829 bamaze kwandura iyi ndwara, igihugu cya Amerika ni cyo kiri ku isonga ubwacyo cyonyine kirarusha umugabane wose wa Africa, aho gifite 17% by’abamaze kwandura ku Isi hose naho impuzandengo y'abarwaye muri Africa ku rwego rw’Isi ni 6.21%.

Igihugu ubu kiri ku isonga mu kugira abantu benshi bamaze guhitanwa n'iyi ndwara ku Isi ni u Butaliayani aho bafite ibihumbi bigera ku 9,134. Iki gihugu gikomeje kwibasirwa ndetse bikomeye cyane. Igihugu kiri ku mwanya wa 2 ni Ubushinwa bufatwa nk'isoko y’iki cyorezo aho gifite abagera ku 3,295 bamaze kwamburwa ubuzima n'iki cyorezo.

Umubare w'abamaze guhitanwa n'iki cyorezo ku rwego rw’Isi ni 28,229, abamaze gukira ni 137,224, impuzandengo y'abamaze gukira iyi ndwara irangana na 83% by'abarwaye iyi ndwara bose.

Ku mugabane wa Africa umubare umaze kwandura iyi ndwara ni 3,721, naho abamaze guhitanwa nacyo barasaga 114. Igihugu kiri ku isonga ni Egypt, aho gifite abagera kuri 495. 

Ubu imitima ni myinshi ku ruhande rwa Nyakubahwa Donald Trump bitewe n'ubwiyongere bw’iki cyorezo yakunze kwita ko cyakozwe n'Abashinwa. Magingo aya, ubu yatangiye gutonganya zimwe muri kompanyi zikora ibikoresho by’ikoranabuhanga azisaba gukora inyongera mwuka (VENTILATORS). Kimwe mu bigo biri ku gitutu cya Perezida Donald Trump ni General Motors.

Src: WHO, aljazeera.com, worldometers.info






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND