RFL
Kigali

Umukecuru w’imyaka 97 wo muri Koreya y’Epfo yakize Coronavirus! Dore ibihugu 7 bizahajwe cyane n'iyi ndwara

Yanditswe na: Liliane Kaliza
Taliki:26/03/2020 12:53
0


Umukecuru wo muri Koreya y'Epfo ufite imyaka 97 yabaye undi muntu ukuze cyane ku Isi wakize iyi virus nk'uko bitangazwa n'ibiro ntaramakuru Yonhap.



Iyi ni inkuru nziza muri iki gihe abantu batewe ubwoba n'ikwirakwira ryihuse ry'iyi virus ndetse bamwe bakanavuga y'uko bigoye ko abageze mu za bukuru babasha gukira iyi virus.

Nta makuru arambuye yatangajwe kuri uyu mukecuru, gusa nubwo ari we mukuru cyane hari n'abandi bashaje umubiri wabo wabashije kunesha iyi virus.

Mu ntangiriro z'ukwezi kwa gatatu, ibiro ntaramakuru bya leta y'u Bushinwa byatangaje ko hari umusaza w'imyaka 100 wakize iyi ndwara. Xinua yavuze ko ari we muntu ushaje cyane ku Isi wayikize.

Ku isi yose, abamaze kwandura iyi virus bamaze kurenga 470,000. Abamaze kuyikira barenga 114,000 naho abo yishe barenze 21,000.

Ibihugu bizahajwe cyane n'iyi ndwara ku isi ubu ni;

U Bushinwa (abanduye 81,667, abapfuye 3,285, abakize 73,775)

U Butaliyani (abanduye 74,386 abapfuye 7,503, abakize 9,362)

Leta Zunze Ubumwe za Amerika (abanduye 66,132, abapfuye 1,031, abakize 616)

Espanye (abanduye 49,515, abapfuye 3,647, abakize 5,367)

U Budage (abanduye 37,323, abapfuye 206, abakize 3,547)

Irani (abanduye 27,017, abapfuye 2,077, abakize 9,625)

U Bufaransa (abanduye 25,600, abapfuye 1,333, abakize 3,907)

Src: BBC






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND