RFL
Kigali

Ethiopia: Imfungwa 4,000 zigiye kurekurwa mu rwego rwo kwirinda Covid-19

Yanditswe na: Liliane Kaliza
Taliki:25/03/2020 13:25
0


Ethiopia iratangaza ko igiye kurekura imfungwa zirenga 4000, mu gihe iki gihugu gikomeje gufata ingamba zo kurwanya ikwirakwira ry'icyorezo cya coronavirus.



Kuri uyu wa Gatatu, ni bwo umushinjacyaha mukuru wa Ethiopia yavuze ko abafunze bahamwe n'ibyaha bito ndetse n'abagore bafite abana bari muri abo bazarekurwa.

Abanyamahanga bashinjwa gukora ubucuruzi bwa magendu ndetse no gucuruza ibiyobyabwenge na bo bazarekurwa, boherezwe mu bihugu bavukamo.

Izindi ngamba leta ya Ethiopia yafashe zirimo gutegeka abakozi ba leta gukorera akazi iwabo mu ngo guhera none ku itariki ya 25 y'uku kwezi kwa gatatu. Ethiopia kandi yafunze imipaka yayo yose yo ku butaka.

Abagenzi bose berekeza muri Ethiopia bazashyirwa mu kato k'iminsi 14 mu mahoteli umunani yatoranyijwe n'abategetsi b'iki gihugu, abadashoboye kwirihira leta izarihira ikiguzi.

Itangazo ry'ikigo cya leta ya Ethiopia cyita ku buzima rivuga ko abagenzi barenga 400 kuri ubu bamaze gutangira ako kato bashyirwamo by'itegeko.

Kugeza ubu Ethiopia imaze kwemeza abarwayi 12 ba Covid-19 - indwara yo mu myanya y'ubuhumekero iterwa n'ubu bwoko bushya bwa coronavirus.

Src: Aljazeera






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND